अंजोर.ए। खनिज के अवैध खनन अउ परिवहन के विरुद्ध कार्रवाई ल लेके गठित जिला स्तरीय टीम छुट्टी के दिन तको सरलग कार्रवाई करिस। टीम ह रायपुर रोड म भोजपुरी टॉल नाका अउ रतनपुर रद्दा म बीती रतिहा गाड़ी के जांच करिस। आधी रतिहा तक टीम ह लगभग 85 गाड़ी ल रोक के पड़ताल करिस। एमे 29 ट्रक बिना ढके खुला म कोइला अउ क्लिंकर परिवहन करत पाए गिस। एमे 27 वाहन एसईसीएल कोरबा अउ एक-एक वाहन ग्लोबल मिनरल्स अमसेना अउ सीमेंट खपराडीह सिमगा के हावयं।
Action against illegal excavation and transportation of minerals
जेन के प्रदूषण रोकथाम अधिनियम के प्रावधान के खुला उल्लंघन हावय। ये पकड़े गे गाड़ी ल हिर्री अउ चकरभांठा थाना म पुलिस अभिरक्षा म खड़ी करे गे हावय। आगू कार्रवाई जारी हावय। कलेक्टर डहर ले गठित समिलहा जांच टीम के कारवाई सतत जारी रइही। टीम म पर्यावरण मण्डल, खनिकर्म, आरटीओ, पुलिस, निगम अउ राजस्व विभाग के अधिकारी सामिल हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।