टेकलगुड़ेम मुठभेड़ म शहीद जवान मनके घर वाला ल देही 10-10 लाख रूपिया के आर्थिक मदद, मुख्यमंत्री विष्णुदेव साय करिस घोसना

अंजोर.ए। सुकमा जिला के टेकलगुड़ेम म बीते 30 जनवरी के नक्सल मुठभेड़ म शहीद तीनों जवान के घरवाला ल 10-10 लाख रूपिया के आर्थिक मदद दे जाही। मुख्यमंत्री विष्णदेव साय ह कोरिया जिला के बैकुण्ठपुर म आयोजित झुमका जल महोत्सव के मउका म पत्रकार मन ले गोठबात के बखत ये घोसना करिस। ये आर्थिक मदद रकम शहीद जवान मन के राज्य अउ केन्द्र सरकार के तनि ले मिले वाला रकम ले अकताहा हावय।

जानबा होवय के 30 जनवरी के प्रदेस के सुकमा जिला के जगरगुण्डा थाना क्षेत्र के गांव टेकलगुड़ेम म नक्सली मन डहर ले घात लगाके करे  गे हमला के मुंहतोड़ जवाब देत तीन जवान शहीद हो गे रिहिस। जेमा 201 कोबरा सीआरपीएफ बटालियन के आरक्षक देवेन सी. अउ आरक्षक पवन कुमार अउ 150वीं बटालियन के आरक्षक लम्बाधर सिंघा शहीद रिहिस। ए घटना म 16 जवान घायल होगे रिहिस जेमा ले 8 जवान मन के बढि़या इलाज के खातिर राजधानी रायपुर लाने गे हावय। मुख्यमंत्री साय 30 जनवरी के संझा के ही अस्पताल पहंचके घायल जवान मन ले मुलाकात करके उंकर हालचाल जानिस।

How much financial assistance will be given to the families of martyred soldiers?

• Financial assistance of Rs 10 lakh each will be provided to the families of the three soldiers martyred in the Naxal encounter on January 30 in Tekalgudem of Sukma district.