अंजोर.ए। छत्तीसगढ़ के राज्यपाल विश्वभूषण हरिचंदन ह नई दिल्ली म पूर्व उप प्रधानमंत्री लालकृष्ण आडवाणी ले मुलाकात करके ओला भारत रत्न सम्मान मिले म बधाई अउ सुभकामना दीस। राज्यपाल ह ओला पुष्पगुच्छ अउ रामलला के प्रतिमा सुरता चिनहा के रूप म भेंट करिस।
ए मउका म राज्यपाल हरिचंदन ह सुरता करत किहिन के आडवाणी जी के संग उंकर घनिष्ठ संबंध रिहिन हावय अउ उंकर सार्वजनिक जिनगी के सफर के बखत आडवाणी जी ले जरूरी सलाह मिलत रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।