महतारी वंदन योजना के महिला मन गजब उत्साह, ऑनलाईन भरावथे आवेदन

अंजोर.ए। महतारी वंदन योजना महिला मन के खातिर बनही आय के जरिया। योजना ले मिले रकम ल पारिवारिक खर्च, लइका के पढ़ाई-लिखाई म खरचा करही महिला। महतारी वंदन योजना के खातिर आवेदन मिले करे के आखरी तिथि 20 फरवरी तक होही।

Mahtari Vandan Yojana online form and offline registration

छत्तीसगढ़ म प्रधानमंत्री नरेन्द्र मोदी के एक अउ गारंटी पूरा करे के दिशा म मुख्यमंत्री विष्णु देव साय के अगुवई म राज्य म महतारी वंदन योजना के क्रियान्वयन के खातिर अउ योजना के तहत प्रदेस के महिला मन के फायदा देवाये के उद्देश्य ले आज प्रदेस के सबो जिला  म तको आवेदन पाती भरे के प्रक्रिया सुरू हो गे हावय।

आवेदन पाती भरने के काम बड़े तेजी ले करे जात हावय। ए योजना के फायदा ले के खातिर महिला मन बड़े संख्या म आवेदन पाती जमा करे वाला ठऊर मन गांव पंचायत, वार्ड कार्यालय, आंगनबाड़ी केन्द्र, परियोजना कार्यालय अउ बिसेस कैम्प म पहुंच रेहे हावयं अउ अपन आवेदन पाती जमा करत हावयं। येकर अलावा पोर्टल के माध्यम ले तको ऑनलाईन आवेदन पाती भरे जात हावयं।