केंद्रीय युवा कार्यक्रम अउ खेल मंत्री ह ‘माय भारत-मेरा युवा भारत’ प्लेटफॉर्म म युवा मन के भागीदारी ल प्रोत्साहित करिन

अंजोर.ए। केंद्रीय युवा कार्यक्रम अउ खेल मंत्री अनुराग सिंह ठाकुर ह हाल ही म एक वक्तव्य म 31 अक्टूबर के प्रधानमंत्री नरेन्द्र मोदी जी डहर ले सुरू करे  गे "माय भारत, मोर युवा भारत" प्लेटफॉर्म के मिले जबरदस्त प्रतिक्रिया के प्रति बहुत आभार अउ खुसी व्यक्त करिस।

"माय भारत, मोर युवा भारत" प्लेटफॉर्म - https://mybharat.gov.in

मंत्री ह ये घोसना करत खुशी व्यक्त करिस के येकर शुरुआत के कुछ महीना म 1.5 करोड़ ले जादा युवा मन ह स्वयंसेवक के रूप म पंजीकरण करवा लिस हावय। ए प्लेटफॉर्म के उद्देश्य युवा मन के व्यक्तिगत अउ अगुवई विकास के खातिर अदूसरइया मउका दे करे हावय।

राष्ट्र निर्माण म युवा मन के भागीदारी के महत्ता म प्रकाश डारत केंद्रीय मंत्री ह पंजीकृत स्वयंसेवक के हित अउ आकांक्षा के मुताबिक आने-आने अवइया पहल के योजना मन के अनावरण करिन। खेलो इंडिया कार्यक्रम के तहत खेल प्रतिभा के तलाश करे ले लेके मतदाता जागरूकता अभियान तक, ये प्लेटफॉर्म युवा मन के मउका खोजे अउ उत्कृष्टता मिले खातिर विविध रकम ले के कौशल दे करत हावय।

माननीय प्रधानमंत्री डहर ले रेखांकित 'विकसित भारत 2047' के विजन के साकार करे म युवा मन के जरूरी भूमिका म जोर देत होइस मंत्री महोदय ह पंजीकृत स्वयंसेवक अउ संभावित भाग लेवइया मन दुनों के संबोधित करिन अउ उंकर ले जल्दी ले जल्दीं आधिकारिक वेबसाइट mybharat.gov.in म पंजीकरण करे के गेलौली करिन।

केंद्रीय मंत्री ह किहिन के "आप सिरिफ जनरेशन-जेड नइ हावयं; तंहू मन भारत के अमृत पीढ़ी हावव। युवा मन के राष्ट्र के भविष्य के आकार दे के मउका के फायदा उठाये के खातिर प्रोत्साहित करत होइस, केंद्रीय मंत्री ह स्वयंसेवकों के बीच एकता, नवाचार अउ दृढ़ संकल्प के बढ़ावा दे के खातिर प्लेटफॉर्म के प्रतिबद्धता के दोहराइस। अंत में, युवा मन ले राष्ट्र के भविष्य के गढ़े म उंकर जरूरी भूमिका के दोहरात एक उज्ज्वल भविष्य के खातिर आज ले ही बुता म जुटे के आह्वान करिन।