अंजोर.बिलासपुर,ए। भारत सरकार के निर्देश के मुताबिक प्रधानमंत्री किसाना सम्मान निधि योजना के तहत जादा ले जादा पात्र किसान मन के योजना म पंजीयन कराये जाना हावय। येकर संग ही योजना के पंजीकृत पात्र किसान मन के ईकेवाईसी अउ आधार सीडिंग कराये जाना हावयं। जेकर खातिर बिसेस गांव शिविर के आयोजन करके पात्र किसान मनके शत-प्रतिशत बुता पूरा कराये जाना हावय ताकि पात्र किसान मन के योजना के तहत मिले वाला अवइया किस्त के फायदा मिल सके। सोलहवी किस्त जारी होए ले पहिली सबो पात्र किसान मन के ईकेवाईसी, लैंड सिंडिंग अउ आधार सीडिंग कराना अनिवार्य हावय।
PM Kisan Samman Nidhi Yojana: Eligible farmers Aadhaar seeding KYC from 15th February till 21st February
कृषि विभाग डहर ले किसान मन ले अपील करे गे हावय के वो तुरते अपन ग्रामीण कृषि विस्तार अधिकारी अउ नजदीकी लोकसेवा केन्द्र ले संपर्क करके ईकेवाईसी नजदीकी पोस्ट ऑफिस म नया खाता खुलवाके आधार सीडिंग के बुता पूरा कराये। किसान मन के सुविधा के खातिर गांव म बिसेस गांव स्तरीय शिविर के आयोजन दिनांक 15 फरवरी ले 21 फरवरी तक करे जात हावय। शिविर म उपस्थित होके किसान अपन लंबित बुता पूरा करा सकत हावय।
योजना ले अइसे किसान जेन पात्र हावय अउ जेकर अभी तक पंजीयन नइ होइस हावय वो तको अपन आधार कार्ड, बैंक खाता के कापी, राजस्व अभिलेख बी 1, पी 2, के संग शिविर म उपस्थित होके पंजीयन के खातिर आवेदन कर सकत हावय। शिविर म लोकसेवा केन्द्र म किसान अपन आधार सत्यापन, अपडेशन अउ त्रुटि सुधार के बुता करा सकत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।