अंजोर.रायपुर,ए। छत्तीसगढ़ म सार्वजनिक वितरण प्रणाली के अभी के बेरा म प्रचलित सबो 77 लाख राशनकारड मन के नवीनीकरण के बुता 25 जनवरी ले जारी हावय। 14 फरवरी के स्थिति म 57 लाख 19 हजार 495 राशन कार्डधारी मन हा नवीनीकरण खातिर आवेदन प्रस्तुत करिन हावय।
राशनकारड मन के नवीनीकरण के खातिर खाद्य विभाग डहर ले दे गे, ऑनलाइन सुविधा के लोगन भरपूर फायदा उठात हावयं अउ स्वयं अपन मोबाइल ले खाद्य विभाग के एप के जरिये राशनकारड मन के नवीनीकरण के खातिर आवेदन प्रस्तुत करत हावय।
जानबा होवय के राशनकार्ड नवीनीकरण 25 जनवरी ले 15 फरवरी 2024 तक करे जात हावय। विभाग ले मिले जानकारी के अनुसारराशनकार्ड नवीनीकरण के खातिर खाद्य विभाग के डहर ले खाद्य नागरिक आपूर्ति अउ उपभोक्ता संरक्षण विभाग के नया मोबाईल एप्प तइयार करे गे हावय, एला प्ले स्टोर म जाके डाउनलोड करे जा सकत हाबे। हितग्राही डहर ले खाद्य विभाग के वेबसाइट http://khadya.cg.nic.in ले डाउनलोड करे जा सकत हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।