अंजोर.रायपुर,ए। मुख्यमंत्री विष्णु देव साय ले विधानसभा परिसर के उंकर कार्यालय कक्ष म रामलला ले जुड़े दरसन योजना ले जुड़े पदाधिकारी मन ह सौजन्य मुलाकात करिस। ओमन रामलला दरसन योजना के तहत रामभक्त मनके टीम के रायपुर ले रवानगी के समय मुख्यमंत्री साय के उपस्थिति अउ राज्य शासन के सहयोग के खातिर उंकर प्रति आभार व्यक्त करिन।
Ramlala Darshan yojana Ayodhya Special Rail
रामलला दर्शन योजना अभियान के संयोजक धरमलाल कौशिक-
ए बखत अभियान के संयोजक विधायक धरमलाल कौशिक के अगुवई म आए पदाधिकारी मन ह मुख्यमंत्री के अवइया 6 मार्च के अयोध्या दरसन के खातिर अंबिकापुर ले रेल रवाना होए के जानकारी दीस अउ ओला ए पावन मउका म सामिल होए के नेवता दीस।
जानबा होवय के मुख्यमंत्री विष्णु देव साय ह राजधानी रायपुर के रेल्वे स्टेशन ले अयोध्या स्पेशल रेल ल हरियर झंडी दिखा करके रवाना करिन। ए आस्था रेल ले छतीसगढ़ के 13 सौ ले जादा राम भगत प्रभु रामलला के दरसन के खातिर रवाना होइस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।