अंजोर.रायपुर,ए। मुख्यमंत्री विष्णु देव साय ह रायपुर के रेल्वे स्टेशन ले अयोध्या स्पेशल गाड़ी ल हरियर झंडी दिखा के रवाना करिन।
ए आस्था रेल ले छतीसगढ़ के लगभग साढ़े 13 सौ राम भगत मन राम लला के दरसन के खातिर रवाना होइस। ए मउका म मुख्यमंत्री के संग सांसद सुनील सोनी, विधायक धरमलाल कौशिक, राजेश मूणत, ख़ुशवंत साहेब, अनुज शर्मा तको मौजूद रिहिस।
रामलला दर्शन योजना छत्तीसगढ़ शासन द्वारा नि:शुल्क अयोध्या रामलला दर्शन
जानबा होवय के छत्तीसगढ़ सरकार कोति ले प्रदेश जनता मनला अयोध्या म रामलला के दरस कराये खातिर रामलला दर्शन योजना बनाये गे हावय। जेमा लोगन मन फोकट म जाके दर्शन करके आही। येकर शुरूआत तको होगे हावय। मिले आरो के मुताबि 40 बछर ले आगर उमर के सियान मनला येकर फायदा मिलही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।