अंजोर.कवर्धा,ए। कबीरधाम जिला म पहिली बार क्षेत्रीय सरस मेला 2024 के आयोजन करे जात हावय। कबीरधाम जिला मुख्यालय के पीजी कॉलेज मैदान म 26 फरवरी ले 6 मार्च 2024 तक क्षेत्रीय सरस मेला के आयोजन होही।
सरस मेला के सुरू समारोह म उपमुख्यमंत्री विजय शर्मा मुख्य पहुना के रूप म सामिल होही। कार्यक्रम के अध्यक्षता सांसद संतोष पाण्डेय, खास पहुना पंडरिया विधायक श्रीमती भावना बोहरा, जिला पंचायत अध्यक्ष श्रीमती सुशीला रामकुमार भट्ट, कवर्धा जनपद अध्यक्ष श्रीमती इंद्राणी दिनेश चंद्रवंशी करही। सरस मेला के आयोजन के तइयारी जोरो-शोर ले करे जात हावय।
कलेक्टर जनमेजय महोबे डहर ले सरस मेला आयोजन के तइयारी के मॉनिटरिंग करे जात हावय। सरस मेला म प्रदेस के सबो जिला के संग-साथ कबीरधाम जिला के स्व-सहायता समूह डहर ले उत्पादित सामान के बेचे अउ प्रदर्शनी लगाये जाही। 10 दिवसीय सरस मेला म समूह डहर ले उत्पादित आने-आने रकम ले के सामान के आम जनता के खातिर बेचे के खातिर रखे जाही। सरस मेला म लगभग 200 स्टॉल लगाए जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।