अंजोर.सिनेमा। छॉलीवुड म एक खलनायक के रूप म खास पहचान बनाने वाला शानदार अभिनेता अजय पटेल अब अपन अभिनय जीवन के वो दौर म आ पहुंच हाबे जब लोगन उनला नायक के रूप देखना चाहथे। अजय पटेल दर्जनों हिट फिल्म अपन दमदार अदाकारी ले दर्शक मनके दिल खास जगह बनाये हाबे। अब आरो मिले हाबे के जल्दी ही ओमन के बतौर नायक सिनेमा म डेब्यू करइया हाबे।
सोशल मीडिया ले मिले जानकारी के मुताबिक फिलम 'झन जाबे परदेश' म ओमन नायक के भूमिका म नजर आही। प्रोडक्शन टीम कोति ले एक ठी बड़का जलसा करके जानकारी तको देगे हावय। सम्राट सिनेमा प्रोडक्शन के बैनर तरी बनत ये फिलिम के निर्माता हाबे सम्राट तिवारी, बाबा बघेल। फिलिम के निर्देशन करत हाबे रतन कुमार अउ सह निर्देशक हाबे घनश्याम साहू। कहानी हे सम्राट तिवारी के जेमा पटकथा संवाद आशुतोष सिंह राजपूत लिखे हाबे।
फिल्म झन जाबे परदेश के प्रमुख कलाकार- अजय पटेल, अराध्य सिन्हा, संतोष तिवारी, विक्रम राज, पुष्पेन्द्र सिंह, धर्मेंद्र चौबे, हेमलाल कौशल, मनीषा वर्मा सहित कई बड़का कलाकारन मन नजर आही।
अजय पटेल के यादगार फिल्म- माटी पुत्र, प्रेम युद्ध, संघर्ष, तही बनबे मोर दुल्हानिया, राधे श्याम, साथी रे, मया 3, कुरूक्षेत्र, काली सहित अऊ बहुत अकन फिलिम म ओमन काम करे हाबे।
अउ आगूू के जानकारी बर पढ़त राहव अंजोर-
झन जाबे परदेश कहानी हमर गांव के फिल्म पोस्टर
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।