21 साल ले उपर के पात्र महिला ल मिलही लाभ, आंगनबाड़ी केन्द्र अउ गांव पंचायत मन म लगही शिविर
अंजोर.ए। महतारी वंदन योजना म पात्र महिला मनला 01 मार्च 2024 ले फायदा मिलना सुरू हो जाही। ए योजना के तहत 01 जनवरी 2024 के 21 साल पूरा करे वाला महिला मनला साल म 12 हजार रूपिया के रकम महिला मन के बैंक खाता म अंतरित करे जाही। ए योजना के खातिर महिला मन ले 05 ले 20 फरवरी ले आवेदन ले जाही। आवेदन आंगनबाड़ी केन्द्र, पंचायत मन अउ बाल विकास परियोजना कार्यालय के लॉगिन आई.डी ले करे जा सकत हावयं। नगरीय क्षेत्र के आवेदन करइया वार्ड प्रभारी के लॉगिन आई.डी ले आवेदन कर सकही।
महतारी वंदन योजना नियम/ शर्त Mahtari Vandan Yojna terms and conditions-
- महिला के छत्तीसगढ़ के निवासी होना जरूरी हावय।
- जेन साल आवेदन करे जात हावय वो साल बिहाता महिला के उमर 01 जनवरी 2024 ले 21 साल ले कम नइ होना चाही।
- योजना ले विधवा, तलाकसुदा, परित्यक्त महिला तको पात्र होही।
महतारी वंदन योजना ले पात्र महिला ल कतका मिलही How much will be given in Mahtari Vandan Yojana-
- महतारी वंदन योजना के सबोच पात्र महिला ल 1000 रूपिया के हरेक महीना के मान ले साल म 12 हजार रूपिया के रकम डी.बी.टी के माध्यम ले उंकर बैंक खाता म हस्तांतरण करे जाही।
- आने-आने पेंशन योजना मन के तहत लाभान्वित होए वाला अइसे महिला मन जेन हरेक महीना 1000 रूपिया ले कम रकम मिलत हावय ओला योजना के खातिर पात्र होए म अकताहा रकम मंजूर करे जाही, जेकर ले ओला अधिकतम 1000 रूपिया मासिक रकम मिल सकही।
महतारी वंदन योजना के कइसे भरे जाही आवेदन How to apply Mahtari Vandan Yojana-
आनलाईन आवेदन बर पोर्टल अउ एप्प-
महतारी वंदन योजना के खातिर आवेदन फोकट म होही। ए योजना के खातिर ऑनलाइन भरने के खातिर पोर्टल https://www.mahtarivandan.cgstate.gov.in म आवेदन करना होही। येकर अलावा योजना के खातिर बनाए गे मोबाईल एप्प म तको आवेदन जमा करे जा सकत हाबे। योजना के खातिर आवेदन 05 फरवरी ले खातिर जाही। आवेदन भरने के आखरी तिथि 20 फरवरी 2024 होही।
महतारी वंदन योजना म का का दस्तावेज जाम करना होही Important documents of Mahtari Vandan Yojana-
ये दस्तावेज जमा करे होही-
- आवेदन करत समय हितग्राही मन के स्वयं के सत्यापित पासपोर्ट साइज के फोटो,
- स्थानीय निवास परमान पत्र,
- राशनकार्ड,
- मतदाता परिचय पाती म ले कोनो एक,
- स्वयं अउ पति के आधार कार्ड,
- स्वयं अउ पति के पैन कारड (यदि हो तो),
- बिहाव के परमान पत्र, गांव पंचायत अउ स्थानीय निकाय डहर ले जारी परमान पत्र,
- विधवा होए के स्थिति म पति के मउत परमान पत्र, परित्यक्ता होए के स्थिति म समाज डहर ले जारी वार्ड या गांव पंचायत डहर ले जारी परमान पत्र,
- जनम परमान पाती बर 10 या 12 के अंकसूची, स्थानांतरण परमान पत्र, पैन कार्ड, परिचय पत्र, ड्राईविंग लाइंसेस म ले कोनो एक,
- बैंक खाता के विवरण अउ बैंक पासबुक के छायाप्रति अउ
- स्व-घोषणा या शपथ पाती जमा कराना होही।
राज्य स्तर म महिला बाल विकास नोडल विभाग-
महिला मन के सुविधा के खातिर आंगनबाड़ी अउ गांव पंचायत स्तर म बिसेस शिविर के तको आयोजन करे जाही। ए योजना के क्रियान्वयन के खातिर राज्य स्तर म नोडल विभाग महिला अउ बाल विकास के बनाये गे हावय। जिला स्तर म सबो जिला के कलेक्टर अउ मुख्य कार्यपालन अधिकारी नोडल अधिकारी होही। शहरी क्षेत्र म आयुक्त नगर निगम अउ तथा मुख्य नगर पालिका अधिकारी सहायक नोडल अधिकारी होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।