- ration card renewal online application
- ration card renewal online application
अंजोर.रायपुर,ए। छत्तीसगढ़ म सार्वजनिक वितरण प्रणाली ले अभी के बेरा म प्रचलित राशनकारड मन के नवीनीकरण के बुता 15 मार्च 2024 तक बढ़ाये गे हावय। मुख्यमंत्री विष्णु देव साय ह आम नागरिक के सुविधा ल धियान रखत राशन कारड नवीनीकरण के तारीख बढ़ाये के निर्देश दे रिहिस। ताकि सबो पात्र हितग्राही अपन आवेदन प्राथमिकता ले कर सकें। इही कड़ी म खाद्य नागरिक आपूर्ति अउ उपभोक्ता संरक्षण विभाग के मंत्री दयाल दास बघेल ह ऑनलाईन नवीनीकरण के आवेदन के खातिर तारीख अवइया 15 मार्च 2024 तक बढ़ाये के संबंध म दिशा निर्देश दे हावयं।
खाद्य विभाग के संचालक जितेन्द्र शुक्ला ह सबो जिला के कलेक्टर मन के ए संबंध म दिशा-निर्देश दे हावयं। राशनकार्ड नवीनीकरण के खातिर खाद्य विभाग के डहर ले खाद्य नागरिक आपूर्ति अउ उपभोेक्ता संरक्षण विभाग के नया मोबाईल एप्प तइयार करे गे हावय, एला प्ले स्टोर म जाके डाउनलोड करे जा सकत हाबे। हितग्राही डहर ले खाद्य विभाग के वेबसाइट http://khadya.cg.nic.in ले डाउनलोड करे जा सकत हाबे।
राशनकार्डधारी अपन मोबाईल म ए एप्प के जरिए नवीनीकरण के खातिर इलेक्ट्रानिक आवेदन ऑनलाईन प्रस्तुत कर सकत हावय। अइसे हितग्राही जेकर पास एन्ड्राईड मोबाईल नइ हावय या जिहां मोबाईल कनेक्टिविटी नइ हावय उहां उचित कीमत दुकान स्तर म ऑनलाईन प्रक्रिया के जरिए राशनकारड मन के नवीनीकरण बर इलेक्ट्रानिक आवेदन प्रस्तुत करे के सुविधा तको दे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।