मुख्यमंत्री विष्णु देव साय ल जन्मदिन के बधाई देबर गांव वाला अउ शुभचिंतक मनके उमड़ीस भीड़

अंजोर.रायपुर,ए। मुख्यमंत्री विष्णु देव साय ह अपन जन्मदिन के मउका म गृह ग्राम बगिया म आयोजित आशीर्वाद समारोह म किहिन के आज सबो के आशीर्वाद, प्यार, स्नेह पाके खुद के गौरवान्वित महसूस करत हँव। आपसे मिले स्नेह के ए करजा ल चुकाये के खातिर मोर पास शब्द तको नइ हावय। तुँहर आशीर्वाद हमेशा मिलत रइही, इही कामना हावय। ओमन किहिन के तंहू मन सबो मोर ताकत हावयं अउ इही ताकत राज्य म मोदी के गारंटी ल पूरा करही। राज्य ल विकास के रसता म ले जाही। मुख्यमंत्री ह किहिन के आज राष्ट्रपति श्रीमती द्रौपदी मुर्मु, उपराष्ट्रपति जगदीप धनखड़ अउ प्रधानमंत्री नरेन्द्र मोदी सहित विशिष्टजन मनके आशीर्वाद अउ सुभकामना पाके अभिभूत हँव।

मुख्यमंत्री विष्णु देव साय का जन्‍मदिन- 21 फरवरी

मुख्यमंत्री विष्णु देव साय ह किहिन के जन्मदिन के मउका म हमेशा अपन पैतृक निवास म परिवार अउ संगवारी के बीच रिहिके अनुष्ठान म सामिल होए के परंपरा निभात आये हँव, जेन आज तको कायम रही। आज मोला दूरदराज के जिला  ले तको जन्मदिन के बधाई दे बर लोगन आए रिहिस। उन सबो के अभिनन्दन हावय। ओमन अपन जन्मदिन के ए खास मउका म गांव बगिया स्थित निवास म अपन महतारी श्रीमती जसमनी साय ले आशीर्वाद लिस। उंकर धर्मपत्नी श्रीमती कौशल्या देवी साय ह उंकर आरती के थाल ले स्वागत करिन, मिठाई खिलाई अउ उंकर दीर्घायु होए के कामना करिस। मुख्यमंत्री साय ह ए मउका म अपन निवास म अपन गुरु धनपति पंडा के सपरिवार पूजा तको करिस।

बगिया के लाल के जन्मदिन म के मउका म ओला अपन बीच पाके गांव के लोगन खुसी ले झूम उठे। आस-पास के गांव ले बड़े संख्या म आए लोगन जेमा महिला मन अउ लइका तको सामिल रिहिस, बारी-बारी ले फूल देके मुख्यमंत्री के जन्मदिन के बधाई दीस। कई लोगन ह उंकर अभिनन्दन करके उंकर संग सेल्फी तको लिस।