लालकृष्ण आडवाणी ‘भारत रत्न’ ले अलंकृत

अंजोर.ए। भारत के सबले बड़ा सम्मान ‘भारत रत्ऩ’ ले भारत के पूर्व उप प्रधानमंत्री अउ भाजपा के बड़का नेता लालकृष्ण आडवाणी ल अलंकृत करे गिस। जनबा होवय के पाछू दिन राष्ट्रपति भवन म आयोजित सम्मान समारोह म आडवाणी जी तबियत बने नइ होय के सेती सामिल नइ होए रिहिस।

जनबा होवय के राष्ट्रपति द्रौपदी मुर्मू ह पाछू दिन राष्ट्रपति भवन म 4 शख्सियत मनला मरणोपरांत भारत रत्न ले सम्मानित करे रिहिस। जेमा पूर्व प्रधानमंत्री चौधरी चरण सिंह, पूर्व प्रधानमंत्री नरसिम्हा राव, पूर्व मुख्यिमंत्री कर्पूरी ठाकुर अउ डॉ. एमएस स्वामीनाथन मनके परिवार वाले मन सम्मान लिस।

राष्ट्रवादी राजनीति के ‘शिखर पुरुष’ भारत के पूर्व उप प्रधानमंत्री के तबियत बने नइ होए के सेती ओमन सनिच्चर के कार्यक्रम म नइ आइसे, इही सेती उंकर घरे म सम्मान समारोह रखे गिस, जेमा राष्ट्रपति द्रौपदी मुर्मू, प्रधानमंत्री नरेन्द्रे मोदी सहित केऊ बड़का नेता मनके मौजूदगी म उनला ‘भारत रत्ऩ’ ले अलंकृत करे गिस।