अंजोर.रायपुर,ए। कृषि प्रधान छत्तीसगढ़ राज्य के खातिर 12 मार्च के बड़का दिन रइही। ए दिन छत्तीसगढ़ सरकार के किसान हितैषी कृषक उन्नति योजना के राज्य स्तरीय शुरूआत जिला मुख्यालय बालोद के सरयू प्रसाद अग्रवाल स्टेडियम म हजारों किसान मन अउ गांव वाला के मौजूदगी म होही।
म आयोजित ए कार्यक्रम म राज्य के लगभग 24 लाख 75 हजार किसान मन के ए योजना के तहत 13 हजार 320 करोड़ रूपिया के आदान सहायता रकम सोज उंकर बैंक खाता म अंतरित करे जाही।
कृषक उन्नति योजना-
ये योजना ले छत्तीसगढ़ के भाजपा सरकार ह किसान मनले बिसाये धान के बांचे रकम ल दिही। प्रदेश के किसान मनला सरकार कोति ले 2180 के हिसाब ले पइसा दे रिहिस जेमा के बांचे 917 रूपिया के भुगतान खातिर सरकार ह योजना बनाये हावय जेकर नाम 'कृषक उन्नति योजना' राखे हावय। जइसे पाछू के कांग्रेस सरकार ह 'राजीव गांधी किसान न्याय योजना' बनाये रिहिस। हालांकि भाजपा सरकार केहे रिहिस के एकमुश्त देबो लेकिन ओ बखत नइ दे पाये रिहिस, उही रकम ल 12 मार्च के कृषक उन्नति योजना ले देही।
कृषक उन्नति योजना के शुरूआत केन्द्रीय कृषि मंत्री अर्जुन मुण्डा के मुख्य आतिथ्य, कार्यक्रम के अध्यक्षता मुख्यमंत्री विष्णु देव साय करही। ए मउका म मध्यप्रदेश के मुख्यमंत्री मोहन यादव, छत्तीसगढ़ के उपमुख्यमंत्री द्वय अरूण साव अउ विजय शर्मा, मंत्री सर्वश्री रामविचार नेताम, दयालदास बघेल, केदार कश्यप, सांसद कांकेर मोहन मंडावी सहित आन जनप्रतिनिधि खास पहुना होही।
जानबा होवय के प्रधानमंत्री नरेन्द्र मोदी ह छत्तीसगढ़ के किसान मन ले 3100 रूपिया कोंटल के दर ले धान खरीदी के गारंटी दे रिहिस। ए गारंटी ल पूरा करे के खातिर छत्तीसगढ़ सरकार के कृषक उन्नति योजना के प्रदेशव्यापी शुरूआत 12 मार्च मंगल के होत हावय। ए योजना के तहत किसान मन के आदान मदद रकम के अंतरण उंकर बैंक खाता म करे के खातिर राज्य के सबो जिला मुख्यालय सहित विकासखण्ड मुख्यालय म तको कार्यक्रम आयोजित होही।
किसान हितैषी मुख्यमंत्री विष्णु देव साय के सरकार डहर ले राज्य म किसान मन ले अपन वायदे के मुताबिक प्रति एकड़ 21 कोंटल धान के खरीदी करे के संग ही दू साल के धान के बाकी बोनस रकम 3 हजार 716 करोड़ के भुगतान तको करे हावय। छत्तीसगढ़ सरकार राज्य म खेती-किसानी अउ किसान मन के स्थिति के बढि़या बनाये के खातिर सरलग प्रयासरत हावय।
कृषक उन्नति योजना के माध्यम ले राज्य के किसान मन ले समर्थन कीमत म खरीदे गे धान म प्रति कोंटल 917 रूपिया के मान ले अंतर के रकम दीस जाही। किसान मन के धान के प्रति कोंटल के मान ले भुगतान करे जात ये रकम देश म सबले जादा हावय। छत्तीसगढ़ सरकार डहर ले ए साल के बजट म 10 हजार करोड़ अउ पाछु साल के अनुपूरक बजट म 3 हजार करोड़ ए रकम ले कुल 13 हजार करोड़ रूपिया के बेवस्था करे गे हावय।
छत्तीसगढ़ सरकार डहर ले राज्य म कृषि के बढ़ावा दे के खातिर कई अभिनव पहल के जा रेहे हावय। जशपुर जिला के कुनकुरी म कृषि व्यवसाय प्रबंधन कॉलेज अउ अनुसंधान केन्द्र अउ बलरामपुर जिला के रामचंद्रपुर म पोस्ट हार्वेस्ट मैनेजमेंट अउ प्रोसेसिंग टेक्नोलॉजी कॉलेज सुरू करिन जाही। इही रकम ले सूरजपुर जिला के सिलफिली अउ रायगढ़ म सरकारी उद्यानिकी अउ वानिकी महाविद्यालय, अउ मनेन्द्रगढ़-चिरमिरी-भरतपुर जिला के खडगंवा म कृषि कॉलेज सुरू होही।
राज्य के किसान मन ल सहकारी अउ ग्रामीण बैंक ले ब्याज मुक्त कृषि करजा उपलब्ध कराये के खातिर 8 हजार 500 करोड़ के लक्ष्य अउ भूमिहीन कृषि मजदूर मन के मदद बर दीनदयाल उपाध्याय भूमिहीन कृषि मजदूर योजना के तहत भूमिहीन परिवार के हरेक साल 10 हजार रूपिया के आर्थिक मदद दे के खातिर बजट म 500 करोड़ रूपिया के प्रावधान करे गे हावय।
अकसर पूछे जाने वाले सवाल-
छत्तीसगढ़ में 3100 धान का पैसा कब मिलेगा?
- छत्तीससगढ़ में 3100 धान का पैसा का एकमुश्तक भुगतान नहीं किया गया है, और न ही 21 कोंटल प्रति एकड़ खरीदी हुई। 20 कोटल खरीदने के बाद सरकार ने पुन: आदेश कर सभी किसानों से एक-एक कोंटल प्रति एकड़ के हिसाब से फिर से धान की खरीदी की। सरकार ले धान खरीदी के समय म 2180 के हिसाब तुरंत खाता में भुगतान कर दिया। अब बाकी की राशि कृषक उन्नति योजना के तहत 917 रूपए प्रति एकड़ के हिसाब से 12 मार्च को भुगतान किया जायेगा।
धान का बोनस का पैसा कब आएगा?
- छत्तीासगढ़ के किसानों को भाजपा सरकार ने अपने पिछले कार्यकाल का बचा हुआ बोनस का रकम भी भुगतान 25 दिसंबर को कर दिया है।
1 किलो धान की कीमत कितनी है?
- 1 किलोग्राम धान की कीमत छत्तीजसगढ़ में 3100 रूपए है।
छत्तीसगढ़ में धान का भाव क्या है?
- 1 किलोग्राम धान की कीमत छत्तीासगढ़ में 3100 रूपए है।
धान बोनस कब मिलेगा 2024?
- धान पिछला बोनस 25 दिसंबर को जारी कर दिया गया है। इस वर्ष का अंतर का राशि 12 मार्च को आयेगा।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।