अंजोर.सिनेमा। छत्तीसगढ़ी सिनेमा के सफल निर्देशक प्रणव झा के बहुप्रतिक्षित फिल्म बी.ए. फाईनल ईयर 19 अप्रेल 2024 के प्रदेश के सिनेमाघर म रिलीज होही। बी.ए. रिलीज तीसरइया फिल्म आए बी.ए. फाईनल ईयर ह। अनुभवी फिल्मर लेखक अउ निर्देशक प्रणव झा छॉलीवुड बर जबरदस्त फिल्म बनाथे, उंकर सबो फिल्म ल लोगन गजब मन करे हावय।
ये फिल्म म एक बार फेर मन कुरैशी बतौर नायक आवत हावय। बतादेवन के मन कुरैशी ह प्रणव झा के देन आए छत्तीसगढ़ी सिनेमा ल। मन कुरैशी के संग म ए पइत दीक्षा जायसवाल ल बतौर नायिका ले हावय। दीक्षा ल तको बड़े पर्दा माने फीचर फिल्म म ओमन नायिका के रूप म लॉच करिस। फिल्म म मन कुरैशी अउ दीक्षा जायसवाल के अलावा राजेश बाघमारे, अंजली चौहान, दादू साहू, जयंती मनहर, सुनील चिपड़े, सिग्मा उपाध्याय उक मनके बड़का भूमिका हावय।
बी.ए. फाईनल ईयर म कहानी आन फिल्म ले बहुत अलग हावय। एक साऊथ इंडियन लड़की ल छत्तीसगढ़ी सीखत-गावत-बोलत देखाये गे हावय। फिल्म के ट्रेलर 23 मार्च ले सोशल मीडिया म आए हवय जेला देखके कहानी के अंदाजा लगाये तव ये एक बहुत सुंदर पारिवारिक कहानी आए जेन ल प्रणव झा अपन अंदाज म प्रस्तुत करे हावय। 19 अप्रेल 2024 ले सिनेमाघर म जरूर देखिहव।
- फिल्म - बी.ए.फाईनल ईयर
- लेखक एवं निर्देशक - प्रणव झा
- निर्माता - बलराम साहू, राज वर्मा
- सह निर्माता - पिंटू मोबाइल, अमित जैन
- स्टार कास्ट - मन और दीक्षा, राजेश बाघमारे, अंजली चौहान, दादू साहू, चिरपोटी, जयंती मनहर, सुनील चिपड़े, सिग्मा उपाध्याय...आदि
- कोरियोग्राफर - चंदन दीप
- गीत - विष्णु कोठारी, श्याम बैरागी
- संगीत - श्याम हाजरा, तरूण गढ़पायले, प्रणव झा
- गायक - सुनील सोनी, कंचन जोशी, अमृता नायक
- रिकॉर्डिंग - मिलन स्टूडियो कटक
- म्यूजिक अरेंजर - प्रफुल्ल बेहरा
- भाषा - छत्तीसगढ़ी
- प्रदर्शन - 19 अप्रेल 2024
- बी.ए. फस्ट ईयर
- बी.ए. सेकेन्ड ईयर
- बेनाम बादशाह
- डार्लिंग प्यार झुकता नहीं
- बी.ए.फाईनल ईयर
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।