अंजोर.ए। प्रधानमंत्री नरेन्द्र मोदी के बस्तर म जनसभा होइस। ये मउका म ओमन जनता ले कमल म बटन दबा के भाजपा के सरकार बनाये के अपील करिन। जनसभा म बस्तर लोकसभा ले भाजपा के प्रत्यासी महेंद्र कश्यप के संग मुख्यमंत्री विष्णुदेव साय, केदार कश्यप, भोजराज नाग सहित केऊ बड़का नेता मन जुरियाए रिहिस।
ये मउका मोदी ह अपन भासन म किहिन के- बस्तर म उमड़े मोर परिवार वाला के उत्साह अउ उमंग ह ये साफ कर दे हावय के राज्य म लोकसभा के सबो सीट म कमल खिलने वाला हावय। मोला पता हावय के गरीबी के तकलीफ का होत हावय, इही सेती मैं ठानेेेवं के अपन गरीब भाई-बहन के संसो दूरिहा होए तक चैन ले नइ बइठवं। छत्तीसगढ़ सहित देश के हर आदिवासी परिवार के जिनगी के आसान बनाना मोदी के गारंटी हावय।
ओमन आगू किहिन के; बाकी स्थिर अउ मजबूत सरकार देही। हमार सरकार के सबले बड़का प्राथमिकता रिहिस गरीब के कल्याण। कांग्रेस के सरकार गरीब मन के संसो नइ करिस। कभू महंगाई के मतलब समझ ही नइ आइस। जनता 2014 में गरीब के ए बेटा ल देश के सेवा के मउका दिस। कच्ची छत के खल्हे रेहे के तकलीफ का होत हावय ये मोला पता हावय। जब घर म राशन नइ होवत ल एक मां म का बिताथे मोला पता हावय। जब दवई खातिर घर म पइसा नइ होवे त कतका दुख होवत हावय मैं जानत हवं। इही सेती मैं जब तक गरीब के हर संसो दूरिहा नइ करहूं मैं चैन ले नइ बइठंव। हमार सरकार ह गरीब के बर एक-एक करके अइसे योजना बनाईस गरीब ल ओकर हक मिलिस आज सरकार के ये प्रयास के ही नतीजा हावय कि देश में 25 करोड़ ले जादा लोगन गरीबी ले बाहिर निकले हावयं।
रामनवमी बहुत दूरिहा नइ हावय ए बार अयोध्या में हमार रामलाल टेंट म नइ बल्कि बड़का मंदिर म दरसन दिही। 500 साल बाद ये सपना पूरा होइस तो येकर सबले जादा खुशी प्रभु राम के ननिहाल छत्तीसगढ़ के होना बहुत स्वाभाविक हावय। लेकिन कांग्रेस अउ गठबंधन ल राम मंदिर बने ले बहुत नाराज हावय। कांग्रेस के शाही परिवार नेता राम मंदिर के परान प्रतिष्ठा के नेवता ठुकरा दीस। कांग्रेस के जेन नेता येला कदम ल गलत बताइन ओला पार्टी ले निकाल दे गिस। जेन उहां पहुंचगे परान प्रतिष्ठा म प्रभु राम के चरण म सर झुकाइस तेला 6 साल के खातिर पार्टी ले निकाल दे हावय। कांग्रेस जे घोसना पाती बनाये हावय ओमा भी मुस्लिम लीग के छाप हावय।
मोदी जब घोटाले बाज के रद्दा रोकत जब बिचौलियां के कमाई बंद करिस तब इनकर मन सातवां आसमान म पहुंच गे हावय। ओमन ये मउका म राजनांदगांव के सभा नेताप्रतिपक्ष चरणदास महंत कोति ले केहे मुड़ फोरे के बात के जुवाब म ओमन किहिन के- लउठी ले मोदी के मुड़ फोड़े के धमकी दे रिहिन हावय। मोदी गरीब मन के बेटा हावय सर ऊंचा रखके चलत हावय मोदी इंकर धमकी ले डरने वाला नइ हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।