 |
| Chhattisgarh High Court Bilaspur |
छत्तीसगढ़ उच्च न्यायालय, बिलासपुर के मुख्य न्यायाधीश रमेश सिन्हा ह उच्च न्यायालय भवन म आर्काइव/म्यूजियम कक्ष के आज उद्घाटन करे गिस। ए मउका म सबो न्यायमूर्तिगण तको उपस्थित रिहिन। मुख्य न्यायाधीश रमेश सिन्हा के कुशल मार्गदर्शन म ये आर्काइव कक्ष के स्थापना करे गे हावय।
आर्काइव कक्ष म साल 1879 के दस्तावेज, सेन्ट्रल प्रोविजन्स अउ बरार के नक्शा, सेन्ट्रल प्रोविजन्स के ले नागपुर उच्च न्यायालय ले संबंधित दस्तावेज अउ भवन के सुंदर तस्वीर, संविधान समिति के सदस्य मन के तस्वीर अउ अविभाजित मध्यप्रदेश के पहिली मुख्यमंत्री स्वर्गीय रविशंकर शुक्ल के तस्वीर ले कक्ष के सुशोभित करे गे हावय।
येकर संग ही मध्यप्रदेश उच्च न्यायालय, जबलपुर के भवन के तस्वीर, छत्तीसगढ़ उच्च न्यायालय, बिलासपुर के स्थापना ले संबंधित राजपत्र के तस्वीर, तदुपरांत छत्तीसगढ़ उच्च न्यायालय, बिलासपुर के उद्घाटन अउ भवन के तस्वीर, छत्तीसगढ़ उच्च न्यायालय, बिलासपुर के नवा भवन के उद्घाटन अउ नवा भवन के तस्वीर अउ ज्यूडिशियल एकेडमी के भवन के उद्घाटन के तस्वीर ले कक्ष के सुसज्जित करे गे हावय।
आर्काइव कक्ष म छत्तीसगढ़ उच्च न्यायालय, बिलासपुर के नवा विस्तार भवन के उद्घाटन, राष्ट्रपिता महात्मा गांधी के प्रतिमा के अनावरण, आवासीय परिसर म 100 फिट उंचा राष्ट्रीय ध्वज के स्थापना अउ संविधान के जनक डॉ. भीमराव अम्बेडकर के प्रतिमा के अनावरण के तस्वीर तको लगाये गे हावयं। जानबा होवय के मुख्य न्यायाधीश रमेश सिन्हा के कुशल मार्गदर्शन अउ दिशा-निर्देश म ही ये नवा विस्तार भवन अउ आन ल बनाये गे हावय।
आर्काइव कक्ष म छत्तीसगढ़ उच्च न्यायालय, बिलासपुर के स्थापना बाद पदस्थ मुख्य न्यायाधीशगण अउ न्यायमूर्तिण के तस्वीर सुसज्जित के गे हावयं। संग ही अइसे न्यायमूर्तिगण जेन के छत्तीसगढ़ उच्च न्यायालय के संग ही उच्चतम् न्यायालय म पदस्थ होइन, उंकर तको तस्वीर सुसज्जित करे गे हावय।
ए आर्काइव कक्ष ले अवइया मनला ल छत्तीसगढ़ उच्च न्यायालय, बिलासपुर अउ न्यायिक बेवस्था के संबंध म जादा ले जादा ज्ञानवर्धक जानकारी मिलही अउ उंकर ज्ञान म बड़वार होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।