छत्तीसगढ़ राज्य चुनाव आयुक्त अजय सिंह संभालिस कार्यभार

अंजोर.रायपुर,ए। छत्तीसगढ़ राज्य चुनाव आयोग के पाँचवा चुनाव आयुक्त के रूप म अजय सिंह ह कार्यभार संभाल लिस। 1983 बैच के आई.ए.एस. अधिकारी अजय सिंह फरवरी 2020 म सरकारी सेवा ले निवृत्त होइस हावयं। जानबा होवय के छत्तीसगढ़ राज्य चुनाव आयुक्त के पद म नियुक्ति ले पहिली वो उपाध्यक्ष, राज्य योजना आयोग के तौर म सेवा दे रिहिस। उहाँ ले पदमुक्त होके ओमन आज राज्य चुनाव आयुक्त के पदभार ग्रहण करिन हावय।

स्वागत के ए मउका म सचिव, डॉ. सर्वेश्वर नरेन्द्र भुरे ह राज्य चुनाव आयोग के अधिकारी मनले आयुक्त सिंह के संक्षिप्त परिचय कराइन अउ आयुक्त सिंह ह येकर बाद आयोग के सबो कक्षा के मुआयना करिन। अवइया बेरा म होवइया नगरीय निकाय अउ त्रिस्तरीय पंचायत आम चुनाव के खातिर तइयारी म जोर दे हावय।

छत्‍तीसगढ़ी अनुवाद- जयंत साहू

संपादक 'अंजोर' वेब पोर्टल