अंजोर.रायपुर,ए। खेल एवम युवा कल्याण विभाग डहर ले राज्य खेल अलंकरण बर राज्य शासन ह खिलाड़ी, प्रशिक्षक, निर्णायक मन ले 30 जून 2024 तक आवेदन आमंत्रित करे गे हावय। खिलाड़ी ल सबोच साल के खातिर अलग-अलग आवेदन करे के होही।
खेल अउ युवा कल्याण विभाग ले मिले जानकारी के मुताबिक खिलाड़ी के खातिर पुरस्कार म शहीद राजीव पाण्डे पुरस्कार, शहीद कौशल यादव पुरस्कार, वीर हनुमान सिंह पुरस्कार, शहीद पंकज विक्रम सम्मान अउ शहीद विनोद चौबे सम्मान अउ मुख्यमंत्री ट्रॉफी सामिल हावयं। शहीद पंकज विक्रम सम्मान के खातिर खेल संघ डहर ले राज्य खेल संघ ले अनुशंसा सहित आवेदन जिला कार्यालय या संचालनालय रायपुर के प्रेषित करे जा सकत हाबे। खिलाडी के सबोच साल के खातिर पुरस्कार बर अलग-अलग आवेदन प्रस्तुत करे के होही। येकर संग ही वित्तीय साल 2021-22 अउ 2022-23 के नगद राशि, प्रेरणा निधि, डाईट मनी के खातिर तको आवेदन आमंत्रित करे गे हावय। ए संबंध म विस्ता्र ले जानकारी के खातिर खेल अउ युवा कल्याण के वेबसाइट के अवलोकन करे जा सकत हाबे।
शहीद राजीव पाण्डे पुरस्कार
राज्य खेल अलंकरण के ले सीनियर वर्ग के अइसे खिलाड़ी मन ल शहीद राजीव पाण्डे पुरस्कार ले अलंकृत करे जाथे, जेकर डहर ले राष्ट्रीय चैम्पियनशिप म या राष्ट्रीय खेल म कोनो पदक मिले हो या अधिकृत अंतर्राष्ट्रीय प्रतियोगिता म देश के प्रतिनिधित्व करिन हो।
शहीद कौशल यादव पुरस्कार
जूनियर वर्ग के उन खिलाड़ी मन ल शहीद कौशल यादव पुरस्कार ले अलंकृत करे जाथे, जेकर डहर ले जूनियर वर्ग के राष्ट्रीय चैम्पियनशिप म कोनो पदक मिले हो।
शहीद पंकज विक्रम सम्मान
अइसे महिला/पुरुष खिलाडी जेन मन पाछु 5 साल म चार बार सीनियर वर्ग म राष्ट्रीय चैम्पियनशिप म छत्तीसगढ़ के प्रतिनिधित्व करिन होही, ओला शहीद पंकज विक्रम सम्मान ले सम्मानित करे जाथे।
वीर हनुमान सिंह पुरस्कार
खेल प्रशिक्षक अउ निर्णायक ल वीर हनुमान सिंह पुरस्कार ले अलंकृत करे जाथे।
शहीद विनोद चौबे सम्मान
खेल ले जुड़े 55 साल या जादा उमर के अंतर्राष्ट्रीय खेल प्रतियोगिता म भाग लिये खिलाड़ी या राष्ट्रीय प्रतियोगिता म पदक मिले खिलाड़ी या संबंधित ह अइसे कोनो उल्लेखनीय सेवा खेल के क्षेत्र म अर्जित करे हो, ओला शहीद विनोद चौबे सम्मान ले अलंकृत करे जाथे।
मुख्यमंत्री ट्रॉफी
सीनियर अउ जूनियर वर्ग म राष्ट्रीय प्रतियोगिता म पदक मिले दल के मुख्यमंत्री ट्रॉफी दे के जात हावय।
पुरस्कार राशि
शहीद राजीव पाण्डे पुरस्कार बर 03 लाख रूपए,
शहीद कौशल यादव बर 01 लाख 50 हजार रूपए,
वीर हनुमान सिंह पुरस्कार बर 01 लाख 50 हजार रूपए,
शहीद विनोद चौबे सम्मान अउ पंकज विक्रम सम्मान बर रूपिया 25-25 हजार रूपिया,
इही रकम ले सीनियर अउ जूनियर वर्ग के दलीय खेल के खातिर मुख्यमंत्री ट्रॉफी दे के जाही, जेमा अइसे दलीय खेल जेकर सदस्य मन के संख्या 04 हावय, ओमा सीनियर वर्ग के 02 लाख रूपिया अउ जूनियर वर्ग म 01 लाख रूपिया के पुरस्कार दे करिन जाही। अइसे दलीय खेल जेमे सदस्य मन के संख्या 24 ले जादा हावय, ओला सीनियर वर्ग के 05 लाख रूपिया अउ जूनियर वर्ग म 03 लाख रूपिया के पुरस्कार दे करिन जाही। पुरस्कार के अकताहा मानपत्र, अलंकरण फलक, ब्लेजर अउ टाई तको दे करिन जाही।
प्रोत्साहन नगद रकम पुरस्कार
राष्ट्रीय प्रतियोगिता म पदक मिले विजेता मन खिलाड़ी के प्रोत्साहन नियम के तहत नगद रकम पुरस्कार अलंकरण स्वरूप दे करे जाथे। साल 2021-22 अउ 2022-23 म (01 अप्रैल ले 31 मार्च तक 02 वर्ष) जेन खिलाडी ह सब जूनियर जूनियर अउ सीनियर वर्ग के राष्ट्रीय प्रतियोगिता म पदक मिले करिन हावय। वो खिलाडी जिला कार्यालय अउ अपन खेल संघों ले आवेदन पाती मिले करके करार तिथि तक अपन आवेदन जमा कर सकही।
खेलवृत्ति
खेलवृत्ति (डाइट मनी) के खातिर जेन खिलाडी ह अधिकृत राज्य स्तरीय प्रतियोगिता म पदक मिले हो या राष्ट्रीय प्रतियोगिता म प्रतिनिधित्व करे हो, खेलवृत्ति बर आवेदन कर सकही। खेलवृत्ति बर अधिकतम उमर 19 साल ले जादा नइ होना चाही। खेल संघ ले प्रोत्साहन के खातिर खिलाड़ी डहर ले साल 2021 अउ 2022 म (01 अप्रैल ले 31 मार्च दू साल के लिये) अर्जित करे गे उपलब्धि के खातिर प्रेरणा निधि के आवेदन जिला कार्यालय या संचालनालय खेल अउ युवा कल्याण विभाग म करार तिथि तक जमा कर सकही।
आवेदन फॉर्म
पुरस्कार, नगद राशि, खेलवृत्ति अउ प्रेरणा निधि बर आवेदन फॉर्म संचालनालय खेल अउ युवा कल्याण रायपुर या विभाग के सबो जिला कार्यालय अउ राज्य खेल संघ ले मिले करे जा सकत हावयं।
पंकज विक्रम सम्मान के खातिर खेल संघ के अनुशंसा सहित आवेदन
शहीद पंकज विक्रम सम्मान के खातिर खेल संघ के माध्यम ले नियम के मुताबिक करार प्रक्रिया के तहत राज्य खेल संघों के अनुशंसा सहित आवेदन करे जा सकही। खेल संघ सबोच साल एक महिला, एक पुरूष खिलाड़ी बर वरीयता के आधार म 2-2 खिलाडी के नाम के अनुशंसा करे जाही। पंकज विक्रम सम्मान के आवेदन संचालनालय अउ जिला कार्यालय म खिलाडी ले सोज स्वीकार नइ करे जाही।
तुलनात्मक रूप ले उत्कृष्ट उपलब्धि वाला खिलाड़ी सोज करके सकही आवेदन
पुरस्कार नियम म प्रावधान के मुताबिक मान्यता मिले संघ डहर ले खेल पुरस्कार के खातिर अनुशंसा नइ के गे हावय अउ तुलनात्मक रूप ले खिलाड़ी के उत्कृष्ट उपलब्धि हावय, त अइसे खिलाड़ी तत्संबंधी विवरण प्रस्तुत करके करार प्रारूप म अपन व्यक्तिगत विवरण सहित आवेदन 30 जून 2024 तक, कार्यालयीन समय म संचालनालय, खेल अउ युवा कल्याण, सरदार वल्लभ भाई पटेल अंतर्राष्ट्रीय हॉकी स्टेडियम, जी.ई. रोड, रायपुर या खेल विभाग के जिला कार्यालय म सोज जमा कर सकही।
छत्तीसगढ़ी़ अनुवाद- जयंत साहू
संपादक 'अंजोर' वेबपोर्टल
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।