भारत ले निकल के सरी दुनिया म पहुँचत हावय आयुर्वेद : स्वास्थ्य मंत्री जायसवाल

अंजोर.रायपुर,ए। पीएचडी चैम्बर ऑफ कॉमर्स एंड इंडस्ट्री (PHDCCI) ह आयुष मंत्रालय, भारत सरकार के सहयोग ले 28-30 जून 2024 के कृषि मंडपम, IGKV, रायपुर, छत्तीसगढ़ म 3 दिवसीय रायपुर आरोग्य मेला के आयोजन करिन हावय। कार्यक्रम के उद्घाटन छत्तीसगढ़  के स्वास्थ्य अउ परिवार कल्याण मंत्री श्याम बिहारी जायसवाल ह करिन। उद्घाटन समारोह के आन सियान मनखे मन म IGKV के माननीय कुलपति डॉ. गिरीश चंदेल, आयुष निदेशालय, छत्तीसगढ़ के समिलहा निदेशक डॉ. सुनिसल कुमार दास, IGKV के डीन डॉ. जी. के. दास, छत्तीसगढ़ चैप्टर PHDCCI के चेयरमैन शंकर बजाज, निदेशक सुश्री मिले दुबे  सामिल रिहिस।

ए कार्यक्रम के उद्देश्य आयुष, आयुर्वेद, जैविक उत्पाद, यूनानी, सिद्ध, हर्बल, प्रसंस्कृत खाद्य पदार्थ, कोल्ड चेन, उद्योग अउ कोल्ड सप्लाई चेन नेटवर्क म धियान केंद्रित करे हावय, जेकर उद्देश्य निवेश अउ व्यापार के मउका ल बढ़ाना हावय। ये आने-आने हितधारक, उद्योग, शैक्षणिक अउ नीति एजेंसी मन के एक सामान्य मंच म लान के योजना मन अउ प्रोत्साहन, बाजार विकास प्रक्रिया, विकास अउ प्रबंधन प्रथा, बहु-मॉडल परिवहन सुविधा, अउ संबंधित जिनिस म राज्य अउ केंद्रीय सरकार के संग संवाद स्थापित करे के एक मंच देही।

स्वास्थ्य मंत्री श्याम बिहारी जायसवाल ह आरोग्य मेला म आयुष पवेलियन के दौरा करिन अउ कार्यक्रम के बखत सबो उपस्थित लोगन के खातिर 3 दिन के नि:शुल्क स्वास्थ्य जांच अउ नि:शुल्क दवई बाटे के उद्घाटन करिन। ए कार्यक्रम म आयुर्वेद, होम्योपैथी, यूनानी, सिद्ध अउ  दवई  पौधा के डॉक्टर मन ले नि:शुल्क स्वास्थ्य जांच अउ दवई मन ल दे जात हावयं। ओमन छत्तीसगढ़ के स्टार्टअप्स के स्टॉल्स के तको दौरा करिन, जेन छत्तीसगढ़ म बने आने-आने आयुष जिनिस के प्रदर्शन करत हावयं।

उद्घाटन समारोह के बखत मंत्री श्याम बिहारी जायसवाल ह आयुष मंत्रालय, भारत सरकार अउ PHDCCI के ए रकम ले के कार्यक्रम आयोजित करे के खातिर धन्यवाद दे अउ ओला सरलग अंतराल म अउ जादा कार्यक्रम आयोजित करे के निर्देश दे। मंत्री जायसवाल ह चरक, सुश्रुत अउ पतंजलि जइसे महान ऐतिहासिक रिसी मनके उल्लेख करिन, जेन मन आयुर्वेद अउ आयुष क्षेत्र म जादा योगदान दे हावय।

श्री जायसवाल ह दैनिक खाद्य जिनिस जइसे हल्दी, गोल मिर्च, जायफल, बाजरा उक म आयुर्वेदिक जिनिस के उपयोग के उल्लेख करिन अउ दैनिक जिनगी म ये जिनिस के उपयोग के प्रोत्साहित करे के खातिर ऋषि मनला धन्यवाद दीस। ओमन ये तको बताइन के कइसे आयुर्वेद भारत ले पूरा दुनिया म पहुँचत हावय अउ दुनिया भर के लोगन दुनों हाथ ले आयुर्वेद ल अपनात हावयं। ओमन कह के हमन ल आने-आने देश म आयुष अउ आयुष जिनिस के दृढ़ता ले बढ़ावा दे अउ बड़े जैविक अउ पोषक अंतर्राष्ट्रीय बाजार के फायदा उठाये के जरूरत  हावय।

IGKV के माननीय कुलपति गिरीश चंदेल ह तको स्वच्छ भोजन खाना म जोर दे। ओमन बताइन के छत्तीसगढ़ म उपजे चाउंर म कई  दवई  गुण अउ बिसेसता हावयं। ओमन आश्वासन दे के वो ह राज्य म बाजरा अउ जैविक खेती के प्रोत्साहित करही।

छत्तीसगढ़ चैप्टर PHDCCI के चेयरमैन शंकर बजाज ह मुख्य पहुना माननीय मंत्री श्याम बिहारी जायसवाल के स्वागत करिन अउ ओला 3 दिवसीय कार्यक्रम के बारे म जानकारी दीस। PHDCCI के निदेशक सुश्री मिले दुबे ह स्वागत अउ धन्यवाद नोट प्रस्तुत करिन।

Chhattisgarhi translation Jayant Sahu

Editor 'Anjor' Web Portal