बस्तर के काजू, कॉफी, मिरचा अउ सिसल ल मिलही बढ़ावा : सचिव डॉ.सी आर प्रसन्ना

अंजोर.जगदलपुर,ए। सहकारिता विभाग के सचिव  डॉ. सीआर प्रसन्ना ह किहिन के बस्तर म उत्पादित काजू, कॉफी, मिरचा अउ सिसल के आन मार्केट म जादा मांग ल देखत ये जिनिस के उत्पादन ल बढ़ावा दे जाना चाही। इंकर उत्पादन म सहकारिता विभाग के डहर ले दे जात सब्सिडी के उपयोग करके गांव वाला ल रोजगार अउ आर्थिक विकास के खातिर पहल करे जा सकत हावय। सचिव प्रसन्ना जगदलपुर म जिला पंचायत के सभाकक्ष म एनआरएलएम, सहकारिता, नाबार्ड, वन सहित आन विभाग ले जुरे समूह-समिति मन के सदस्य मन के आर्थिक विकास अउ स्थानीय कृषि जिनिस बर कार्ययोजना म के गोठबात करत  रिहिस। ए मउका कलेक्टर विजय दयाराम के. ह बताइन के जिला के बस्तर, बकावंड विकासखंड क्षेत्र म मिर्च, काजू अउ सिसल के अउ दरभा इलाका म कॉफी के अच्छा उत्पादन होवत  हावय। ए म विभाग के डहर ले बड़का कार्ययोजना बनाके जरूरी कार्यवाही करे जाही।

बइठक म सचिव प्रसन्ना ह किहिन के सहकारिता के संग जिला के प्रमुख जिनिस ल बढ़ावा दे के खातिर पहिली स्तर के प्रोसेसिंग प्लांट के पहल करे जा सकत हावय। येकर बाद बाय प्रोडक्ट के तनि बढ़े जा सकत हावय। बस्तर के काजू ले फेनी बनाये के खातिर गोआ के व्यवसायी ले अउ सिसल के रस्सी के मांग बड़े-बड़े पोत निर्माता ल होवत हावय त उंकर ले संपर्क करके जिनिस के बिकरी बढ़ाये जा सकत हावय। ओमन मनरेगा के माध्यम ले काजू अउ सिसल के प्लांटेशन बढ़ाये के तको निर्देश दिस। ओमन रेशम धागे बर कोकून संग्रहण ल तको बढ़ावा दे किहिन।

येकर अलावा एनआरएलएम, सहकारिता, नाबार्ड, वन विभाग ले जुरे समूहों- समिति मन के बुता के संबंध म तको गोठबात करे गिस। ए मउका म सीईओ जिला पंचायत प्रकाश सर्वे, वन मंडलाधिकारी उत्तम गुप्ता, राष्ट्रीय सहकारिता विभाग के अधिकारी सहित आन अधिकारी उपस्थित रिहिस। येकर बाद सचिव  ह सहकारिता विभाग के समीक्षा करत होइस धान के उठाव, लेखा मिले न, खाद्य-बीज के भण्डारण-वितरण के स्थिति के बस्तर, नारायणपुर, बीजापुर, कोंडागांव, कांकेर के प्रभारी ले करिस। संग ही जिला म सहकारिता विभाग के बुता के फिल्ड विजिट, उद्यानिकी विभाग के पॉम ऑयल प्लांटेशन, काजू अउ सिसल प्रोसेसिंग यूनिट के तको अवलोकन करिन।

छत्‍तीसगढ़ी अनुवाद- जयंत साहू

संपादक 'अंजोर' वेब पोर्टल