शहीद वीरनारायण सिंह अंतरराष्ट्रीय क्रिकेट स्टेडियम म छत्तीसगढ़ क्रिकेट प्रीमियर लीग (सीसीपीएल) के फाइनल म पहुंचिस उप मुख्यमंत्री अरुण साव

शहीद वीरनारायण सिंह अंतरराष्ट्रीय क्रिकेट स्टेडियम रायपुर

अंजोर,रायपुर.ए। शहीद वीरनारायण सिंह अंतरराष्ट्रीय क्रिकेट स्टेडियम रायपुर म छत्तीसगढ़ क्रिकेट प्रीमियर लीग (सीसीपीएल) के फाइनल मुकाबला देखे पहुंचिस उप मुख्यमंत्री अरुण साव। छत्तीसगढ़ म पहिली बार आयोजित ए लीग के फाइनल मैच रायपुर रायनोस अउ बिलासपुर बुल्स के बीच खेले गिस, जेमा रायपुर रायनोस के टीम चैंपियन बनिस। उप मुख्यमंत्री साव के स्टेडियम पहुंचे म देखइया मन ह ताली बजाके उंकर स्वागत करिन। साव ह हाथ हिलाके उहां मौजूद देखइया मनके अभिवादन करिन।

उप मुख्यमंत्री साव ह सीसीपीएल के फाइनल मुकाबले म किहिन के ये आयोजन कोनो तको मायने म आईपीएल ले कम नइ हावय। एमे खिलाड़ी के अपन प्रतिभा देखाये के अच्छा मउका मिलत हावय। येकर ले निश्चित ही छत्तीसगढ़ ले नवा प्रतिभा आगू आही। साव ह किहिन के फाइनल मुकाबला देखे के खातिर 20 हजार ले जादा देखइया पहुंचिस। ये लीग अउ राज्य के खिलाड़ी के प्रति उंकर अपार परेम के दर्शाता हावय।

श्री साव ह किहिन के छत्तीसगढ़ के खिलाड़ी शशांक सिंह ह हाल ही म खतम होये आईपीएल म अपन खेल ले खूब धूम मचाई रिहिस। ओमन उम्मीद जताईस के सीसीपीएल छत्तीसगढ़ के खिलाड़ी के खातिर आईपीएल जइसे बड़े प्लेटफॉर्म्स म खेले के रद्दा खोलही। येकर ले राष्ट्रीय अउ अंतरराष्ट्रीय स्तर म प्रदेस के नाम रोशन होही। सीसीपीएल के निर्देशक बलदेव सिंह भाटिया अउ विजय शाह, गर्वनिंग काउंसिल के चैयरमैन प्रमोद शंकर शर्मा, छत्तीसगढ़ राज्य क्रिकेट संघ के अध्यक्ष जुबिन शाह अउ सचिव मुकुल तिवारी तको ए बखत मौजूद रिहिस।