केन्द्रीय परियोजना बुता ल लउहे उरकाये खातिर भू-अर्जन, मुआवजा, नामांतरण, बटांकन अउ वन भूमि के संबंध म तुरते कार्यवाही करे के निर्देश

अंजोर.रायपुर,ए। मुख्य सचिव अमिताभ जैन ह मंत्रालय महानदी भवन ले वीडियो कॉन्फ्रेंसिंग के माध्यम ले छत्तीसगढ़ म संचालित केन्द्रीय परियोजना म सड़क, ऊर्जा, मोबाइल टॉवर, रेल्वे अउ खनिज ले संबंधित परियोजना के बुता के विस्तार ले समीक्षा करिस। मुख्य सचिव ह  अधिकारी मनला जरूरी परियोजना के बुता तेजी ले पूरा करे ल देखत परियोजना ले संबंधित भू-अर्जन, मुआवजा सहित आन राजस्व प्रकरण के तुरते निराकरण के निर्देश दिस।

मुख्य सचिव ह सड़क परिवहन अउ राजमार्ग प्राधिकरण अउ भारतीय राष्ट्रीय राजमार्ग प्राधिकरण के आने-आने सड़क परियोजना के बुता के संबंध म जिला  के कलेक्टर मन ले जानकारी लिस अउ परियोजना के खातिर भू-अर्जन, मुआवजा, नामांतरण, बटांकन अउ आवार्ड प्रकरण सहित वन भूमि के प्रकरण म लउहा ले कार्यवाही करे के निर्देश दिस। इसी रकम ले ले कांकेर, बीजापुर, सुकमा, दंतेवाड़ा अउ नारायणपुर जिला म जिहां मोबाइल टॉवर लगाना जरूरी हावय उहां सबो जरूरी प्रक्रिया पूरा करे किहिन।

बइठक म बिलासपुर-उरगा, बिलासपुर ले पथरापाली, सिमगा ले सारागांव बिलासपुर, 6 लेन रायपुर ले विशाखापटनम, धमतरी-कांकेर-बेडमा-दाहिकोंगा, सड़क परियोजना सहित आन सड़क परियोजना के बुता के विस्तार ले समीक्षा करिस। इसी रकम ले ले एनटीपीसी, रेलवे परियोजना के ले ईस्ट-वेस्ट रेलवे, साउथ ईस्ट कोल फिल्डस् लिमिटेड के अधिकारी मनले परियोजना के बुता के विस्तार ले जानकारी लिस अउ इस संबंध म आत आने-आने समस्या के निराकरण के खातिर कोरबा अउ रायगढ़ जिला के कलेक्टर मन ल जरूरी निर्देश दिस। इसी रकम ले खनन परियोजना के खातिर सड़क, भूमि इत्यादि के खातिर  अधिकारी मनला जरूरी कार्यवाही करे के निर्देश दे गिस।

बइठक म अपर मुख्य सचिव वन अउ जलवायु बदलाव विभाग श्रीमती ऋचा शर्मा, सचिव लोक बनाये विभाग डॉ. कमलप्रीत सिंह, पीसीसीएफ सुनिसल मिश्रा, राजस्व विभाग के सचिव अविनाश चम्पावत सहित संबंधित जिला  के कलेक्टर अउ आने-आने विभाग के अधिकारी सामिल होइस।

छत्‍तीसगढ़ी अनुवाद- जयंत साहू

संपादक 'अंजोर' वेब पोर्टल