प्रयास आवासीय स्कूल अउ यूपीएससी के खातिर कोचिंग बेवस्था के पिछड़ा वर्ग आयोग के अध्यक्ष ह अध्यक्ष हंसराज गंगाराम अहीर करिस बड़ई

अंजोर.रायपुर,ए। छत्तीसगढ़ सरकार डहर ले संचालित प्रयास आवासीय स्कूल अउ यूपीएससी परीक्षा के खातिर करे  गे कोचिंग बेवस्था के राष्ट्रीय पिछड़ा वर्ग आयोग के अध्यक्ष हंसराज गंगाराम अहीर ह बड़ई करिन। अहीर के अध्यक्षता म नवा रायपुर के नवा विश्राम गृह म बइठक आयोजित करे गिस, जेमा प्रदेस के मुख्य सचिव अमिताभ जैन, पुलिस महानिदेशक अशोक जुनेजा सहित आने-आने विभाग के बड़का अधिकारी सामिल होइस।

पिछड़ा वर्ग आयोग के अध्यक्ष हंसराज गंगाराम अहीर ह राज्य सरकार डहर ले छत्तीसगढ़ म पिछड़ा वर्ग के खातिर संचालित योजना मन के क्रियान्वयन के संबंध म विस्तार ले जानकारी लिस अउ उंकर बड़ई करिस। पिछड़े वर्ग के खातिर राज्य सरकार के संग-संग केंद्रीय सरकार डहर ले संचालित योजना मन अउ कार्यक्रम के समुचित पालन सुनिश्चित करे ल किहिन। ओमन किहिन के सरकारी संस्था मन के संग-साथ निजी संस्था मन म तको पिछड़े वर्ग के लोगन ल आरक्षण के तहत फायदा मिले।

राज्य म गठित पिछड़ा वर्ग आयोग के बड़ई करत होइस ओमन किहिन के येकर ले संबंधित हितग्राही मन ल आय के आन स्रोत के व्यवस्थित जानकारी मिल सकही। अहीर ह छत्तीसगढ़ राज्य म सूचीबद्ध पिछड़ा वर्ग के संख्या के जानकारी लेवत किहिन के राज्य म सूचीबद्ध 95 पिछड़ी जाति म ले 67 जाति केंद्रीय सूची म सामिल हावय। राज्य के आन जाति ल तको केंद्रीय सूची म सामिल करे के खातिर राष्ट्रीय पिछड़ा वर्ग आयोग ल प्रस्ताव भेजे जावे।

समीक्षा बइठक म राष्ट्रीय पिछड़ा वर्ग आयोग के सचिव आशीष उपाध्याय, सलाहकार राजेश कुमार, अपर मुख्य सचिव मनोज पिंगुआ, सचिव सामान्य प्रशासन अम्बलगन पी., सचिव कौशल विकास डॉ. एस. भारती दासन, आयुक्त चिकित्सा शिक्षा जनक पाठक, संचालक अनुसूचित जाति, अनुसूचित जनजाति विभाग नरेन्द्र दुग्गा, संचालक समाज कल्याण श्रीमती रोक्तिमा यादव सहित संबंधित विभाग के वरिष्ठ अधिकारी उपस्थित रिहिस।

छत्‍तीसगढ़ी अनुवाद- जयंत साहू

संपादक 'अंजोर' वेब पोर्टल