अंजोर.रायपुर,ए। छत्तीसगढ़ राज्य कर (जीएसटी) विभाग डहर ले सूचना अउ प्रौद्योगिकी के उपयोग करके नवा पहल करत ‘ई-संवीक्षा’ पोर्टल लाँच करे गे हावय। ये पोर्टल रजत बंसल, आयुक्त, राज्य कर, छत्तीसगढ़ के पहल म राज्य करके मुख्यालय, नवा रायपुर के डायरी कक्ष अउ कम्प्यूटर कक्ष डहर ले तइयार करे गे हावय जेकर ले मैदानी कार्यालय के समुचित अधिकारी मन कोति ले जीएसटी अधिनियम के धारा 61 अउ धारा 73 और/ या धारा 74 के ले के जाये वाला कार्यवाही के रिपोर्टिंग आनलाईन करे जाना हावय।
पहिली चरण म ‘ई-संवीक्षा’ के ले ‘स्क्रूटनी माड्यूल’ बनके तइयार हावय अउ लाईव करे जा चुके हावय अउ ‘एड्जुडिकेशन माड्यूल’ तइयार करे जात हावय। येकर ले न सिरिफ विभागीय अधिकारी मन कोति ले करे जात बुता के मानिटरिंग करे जा सकही बल्कि अइसे अधिकारी मन कोति ले प्रस्तुत के जाये वाला मासिक डायरी तको आनलाईन होही अउ एनालीटिक्स म येकर ले मिले वाला आँकड़ा के राजस्व हित म उपयोग करे जाही।
येकर अलावा राज्य के व्यापारी ल होवइया व्यवहारिक परेशानी के निराकरण करे म तको “ई-संवीक्षा” माड्यूल कारगर साबित होही।
जानबा हावय कि, राज्य करके आयुक्त के धियान म कुछ अइसे प्रकरण आये रिहिस जेमे एक ही व्यवसायी के एक ही बखत के प्रकरण म एक ले जादा अधिकारी मन आने-आने समय म नोटिस जारी करे गे रिहिस, जेकर बाद आयुक्त डहर ले ‘ई-संवीक्षा’ माड्यूल के जरूरत के धियान म रखत होइस एला तुरते प्रभाव ले लागू कराइन हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।