प्रतियोगी परीक्षा म ‘प्रयास’ के लइका के भागीदारी के बढ़ाये म दें बिसेस जोर : मंत्री रामविचार नेताम

• प्रतियोगी परीक्षा म प्रयास के लइका के भागीदारी के बढ़ाये म दें बिसेस जोर
• गरीब अउ कमजोर वर्ग के लइका के विकास के खातिर संवेदनशीलता के संग बुता करे जाए
• शिक्षा के बढि़या वातावरण बनाके खेल कूद अउ सांस्कृतिक गतिविधी म तको लइका के जोड़ा जाए
• आश्रम-छात्रावास मन म सुरक्षा गार्ड होही तैनात
• छात्रावास के किचन, बेडरूम अउ बाथरूम हो स्वच्छ
• निर्माण बुता गुणवत्तापूर्ण अउ समय-सीमा म पूरा करे के निर्देश

अंजोर.रायपुर।  आदिम जाति, अनुसूचित जाति, पिछड़ा वर्ग अउ अल्प संख्यक विकास मंत्री रामविचार नेताम ह किहिन के छत्तीसगढ़ के गरीब अउ कमजोर तबका के लइका के विकास ल देखत रखत प्रयास आवासीय स्कूल के सुरू करे गे हावय। हर हाल म प्रयास के मूल उद्देश्य के पूरा करे जाना सुनिश्चित हो। ओमन किहिन के प्रयास स्कूल मन म पढ़इया लइका के प्रमुख रूप ले प्रतियोगी परीक्षा म सफल बनाये होवत  हावय। ये सेती संवेदनशीलता के संग प्रयास के लइका के प्रतियोगी परीक्षा  म भागीदारी बढ़ाये म जोर दे जाए। ओमन किहिन के स्कूल अउ छात्रावास म शिक्षा के खातिर बढि़या वातावरण तइयार करे के संग-साथ किचन, बेडरूम अउ बाथरूम के तको स्वच्छ रखे जाए। ओमन अपूर्ण अधोसंरचना बुता समय-सीमा अउ गुणवत्तापूर्ण ढंग ले पूरा करे के निर्देश  अधिकारी मनको दिस। मंत्री नेताम आज मंत्रालय महानदी भवन म प्रयास आवासीय स्कूल मन के प्रगति अउ एकलव्य आदर्श आवासीय स्कूल मन के संचालक समिति के प्रगति के समीक्षा के बखत ये बात कही।

मंत्री नेताम ह एकलव्य आदर्श आवासीय स्कूल संचालक समिति के बइठक म किहिन के नवोदय स्कूल के तर्ज म एकलव्य आदर्श आवासीय स्कूल के तको विकसित करिन जाए। स्कूल म मानव संसाधन के कमी के लघियात पूरा लिस जाए। एकलव्य स्कूल मन म शत-प्रतिशत सीट भरने के प्रयास करिन जाए। ओमन किहिन के स्कूल मन म विशेषकर कन्या स्कूल मन म सुरक्षा बेवस्था मजबूत हो। होम गार्ड के जवान मन के संग-साथ मानक सुरक्षा एजेंसियों के तको सेवा नियम के मुताबिक लिस जाना चाही। मंत्री नेताम ह किहिन के लइका के अच्छा पढ़ाई-लिखाई के संग-साथ खेल कूद अउ आन सांस्कृतिक गतिविधी ले जोड़ा जाए। संचालक समिति ह बइठक के बखत प्रदेस के पांच ठऊर मन सरगुजा जिला के मैनपाट, धमतरी जिला के पथरीडीह, सूरजपुर के शिवप्रसाद नगर, नारायणपुर जिला के ओरछा अउ बीजापुर जिला के भैरमगढ़ म तीरंदाजी प्रशिक्षण केन्द्र खोले के तको फइसला लिस। ओमन बइठक म लइका के कैरियर काउंसलिंग कराइन म तको बल दे।

बइठक के सचिव नरेन्द्र कुमार दुग्गा ह तको संबोधित करिन अउ जरूरी जानकारी दीस। बइठक म संचालक टीआरआई पी.एस.एल्मा, वित्त नियंत्रक आनंद तिवारी, कार्यपालन अभियंता त्रिदीप चक्रवर्ती, अपर संचालक संजय गौड़, ए.आर.नवरंग, आर.एस.भोई अउ उपायुक्त प्रज्ञान सेठ सहित आन विभागीय अधिकारी तको उपस्थित रिहिस।