अंजोर.नई दिल्ली,ए। भारत के पूर्व उपराष्ट्रपति एम. वेंकैया नायडू के 75वें जन्मदिन के पहिली संझा, प्रधानमंत्री नरेन्द्र मोदी 30 जून के मंझनिया 12 बजे वीडियो कॉन्फ्रेंसिंग के जरिए उंकर जिनगी अउ उंकर जीवन-यात्रा म आधारित तीन पुस्तक के विमोचन करही। ये कार्यक्रम हैदराबाद के गाचीबोवली के अन्वया कन्वेंशन सेंटर म आयोजित करे जाही।
प्रधानमंत्री डहर ले विमोचित के जाये वाला पुस्तक म सामिल हावयं:-
- पूर्व उपराष्ट्रपति के जीवनी, जेकर शीर्षक हावय, 'वेंकैया नायडू – सेवा में जीवन’। एला द हिंदू, हैदराबाद संस्करण के पूर्व स्थानीय संपादक एस नागेश कुमार ह लिखे हावय।
- भारत के उपराष्ट्रपति के पूर्व सचिव, डॉ. आई.वी. सुब्बा राव डहर ले संकलित एक सचित्र पुस्तक, 'भारत का जश्न – भारत के 13वें उपराष्ट्रपति के रूप में श्री एम. वेंकैया नायडू का मिशन और संदेश।'
- श्री संजय किशोर डहर ले तेलुगु भाषा म लिखित सचित्र जीवनी, जेकर शीर्षक हावय, 'महानेता – श्री एम. वेंकैया नायडू का जीवन और उनकी जीवन-यात्रा।'
छत्तीसगढ़ी अनुवाद- जयंत साहू
संपादक 'अंजोर' वेब पोर्टल
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।