महतारी वंदन योजना बनत हावय महिला मन बर स्वावलंबी, आवथे जिनगी म नवा मुस्कान

अंजोर.रायपुर,ए। छत्तीसगढ़ सरकार के डहर ले राज्य म लागू करे गे महतारी वंदन योजना राज्य के महिला मन के आर्थिक रूप ले स्वावलंबी बनात हावय। योेजना राज्य म महिला सशक्तिकरण के दिशा म गजब निर्णायक साबित होत हावय। योजना के बढ़ई केऊ जरूरतमंद महिला मनकेे अलावा आंगनबाड़ी केन्द्र के कर्मचारी मन ह तको मुक्त कंठ ले येकर बढ़ई करे हावय। मुख्यमंत्री विष्णुदेव साय के अगुवई वाला छत्तीसगढ़ सरकार के प्रति विनम्र आभार व्यक्त करत ओला हिरदे ले आभार व्यक्त करिन हावय।

बालोद विकास खण्ड के आंगनबाड़़ी केन्द्र क्रमांक 02 झलमला के कार्यकर्ता चन्द्रिका सिन्हा ह मिलइया रकम के जरूरतमंद महिला मन के खातिर मुश्किल बेरा के सहारा बताइन। ओमन किहिन के समाज के निम्न अउ मध्यम वर्ग के केऊ महिला मन जेला अपन जरूरी अउ केऊ छोटे-बड़े जरूरत खातिर परिवार के मुखिया के ऊपर आश्रित रहना परत हावय। फेर प्रदेस सरकार के डहर ले महत्वाकांक्षी महतारी वंदन योजना लागू हो जाये ले हरेक महीना उनकर खाता म 1000 रूपिया जमा हो जाये ले अब महिला मन के अपन छोटी-बड़ी जरूरत के पूर्ति के खातिर आसानी ले पइसा उपलब्ध हो जाथे।

ए योजना के बढ़ई आंगनबाड़ी केन्द्र क्रमांक 02 गांव झलमला के सहायिका श्रीमती रेणुका साहू ह कहिन हावय। ए रकम के उपयोग अपन जरूरत के काम के खातिर कर पात हावय। महतारी वंदन योजना के ले हरेक महीना उंकर खाते म 1000 रूपिया के रकम जमा होए ले ओमा आत्मविश्वास जागृत होए के संग-संग सुरक्षा के तको बोध होवत हाबे। जेकर ले वो प्रसन्नचित होके हंसी-खुशी के संग अपन ड्यूटी कर पात हावय।

छत्‍तीसगढ़ी अनुवाद- जंयत साहू, संपादक 'अंजोर'