एससी-एसटी कर्मचारी संगठन के पदाधिकारी मन ह मंत्री रामविचार नेताम ले करिन मुलाकात

अंजोर.रायपुर,ए। आदिम जाति अउ अनुसूचित जाति विकास मंत्री रामविचार नेताम ले मंत्रालय महानदी भवन म अनुसूचित जाति अउ जनजाति वर्ग के अधिकारी-कर्मचारी संगठन समिलहा मोर्चा के पदाधिकारी मन अउ छत्तीसगढ़ प्रगतिशील सतनामी समाज के प्रतिनिधि मंडल ह सौजन्य मुलाकात करिस। 

ए मउका म खाद्य मंत्री दयाल दास बघेल बिसेस रूप उपस्थित रिहिस। समिलहा मोर्चा के पदाधिकारी अउ सतनामी समाज के प्रतिनिधि मन ह मंत्री नेताम ले मिलके ज्ञापन सउपिस। जेमा पूर्व विधायक नवीन मार्कंडेय, समाज सेवी विकास मरकाम सहित प्रगतिशील छत्तीसगढ़ सतनामी समाज के अध्यक्ष राजेन्द्र प्रसाद भतपहरी, प्रदेस संरक्षक विनोद भारती, डी एल भारती, चंद्रवंशी, अनिल कुमार बनज, ए के बंजारा, संदीप पैकरा, मनहरन चंद्रवंशी, कैलाश नेताम अउ आन अधिकारी-कर्मचारी उपस्थित रिहिस।

छत्‍तीसगढ़ी अनुवाद- जयंत साहू

संपादक 'अंजोर' वेब पोर्टल