 |
| छत्तीसगढ़ व्यावसायिक परीक्षा मण्डल पीपीटी प्रवेश परीक्षा |
अंजोर.रायपुर। छत्तीसगढ़ व्यावसायिक परीक्षा मण्डल डहर ले होवइया पॉलिटेक्निक कॉलेज म भरती बर पी.पी.टी. परीक्षा के आयोजन राज्य के 32 जिला मुख्यालय म 23 जून 2024 के बिहनिया 9:00 ले 12:15 बजे तक करे जाही। आवेदन करइया अपन प्रोफाइल म जाके प्रवेश पाती दिनांक 17 जून 2024 ले डाउनलोड कर सकत हावय। येकर अलावा आवेदन करइया प्रवेश पाती व्यापम के वेबसाइट vyapam.cgstate.gov.in अउ https://vyapamaar.cgstate.gov.in/ अउ चिप्स के वेबसाइट http://cgstate.gov.in म उपलब्ध लिक म ले कोनो तको एक लिंक म क्लिक करके अपन प्रोफाइल लॉगिन पेज म जा सकत हावयं अउ उहां ले प्रवेश पाती डाउनलोड कर सकत हावयं। आवेदन करइया के उंकर पंजीकृत मोबाइल नंबर म SMS के माध्यम ले एक संक्षिप्त यू.आर.एल. तको भेजे जाही। आवेदन करइया ए यू.आर.एल. के क्लिक करके अपन मोबाइल म सोज प्रवेश पाती पाके ओकर प्रिंट आउट ले सकत हावयं।
छत्तीसगढ़ व्यावसायिक परीक्षा मण्डल हेल्पलाइन नंबर-
छत्तीसगढ़ व्यावसायिक परीक्षा मण्डल डहर ले मिले जानकारी के मुताबिक परीक्षा दिन के सबोच परीक्षा देवइया लगभग एक घंटा पहिली अपन परीक्षा केन्द्र म उपस्थित होही, जेकर ले उंकर मूल पहचान पाती ले उंकर पहचान करे जा सके अउ परीक्षा केंद्र म जाये बर अनुमति दे जा सके। कोनो तको परीक्षा देवइया के परीक्षा केन्द्र के सम्बंध म परसानी होवत हावय त हेल्पलाइन नंबर +91-0771-2972780 अउ मोबाइल नंबर +91-8269801982 म संपर्क करके सकत हावयं।
मूल पहचान पाती-
आवेदन करइया सरी प्रवेश पाती डाउनलोड करें अउ ओकर प्रिंट आउट जरूर निकालें। यदि इंटरनेट ले मिले प्रवेश पाती म फोटो नइ आथे त आवेदन करइया अपन संग दू रंगीन पासपोर्ट साइज फोटो लेके परीक्षा केंद्र म जावें। परीक्षा देवइया के डाकघर के माध्यम ले प्रवेश पाती नइ भेजे जाही। ये उचित होही कि परीक्षा देवइया परीक्षा दिन ले एक दिन पहिली ही अपन परीक्षा केन्द्र के भौगोलिक स्थिति ले भलीभाँति परिचित हो जावें। परीक्षा सुरू होए के बाद कोनो के परीक्षा केन्द्र म प्रवेश नइ दे जाही।
परीक्षा देवइया के अपन फोटोयुक्त मूल आये डी. प्रूफ जइसे मतदाता पहचान पत्र/ड्रायविंग लायसेंस/पेन कार्ड/आधार कारड/पासपोर्ट/विद्यालय के फोटोयुक्त परिचय पत्र/फोटोयुक्त अंकसूची मूलरूप म (फोटो कॉपी मान्य नहीं) परीक्षा दिन म परीक्षा केन्द्र म लाना अनिवार्य होही। मूल पहचान पाती के अभाव म परीक्षा केन्द्र म प्रवेश नइ दे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।