 |
| प्रयास आवासीय विद्यालय प्रवेश ऑनलाइन |
अंजोर.अंबिकापुर,ए। आदिवासी विकास अम्बिकापुर के सहायक आयुक्त ह बताइन के प्रयास आवासीय विद्यालय योजना छत्तीसगढ़ शासन के एक महत्वाकांक्षी योजना हावय। ए योजना के उद्देश्य नक्सल प्रभावित घोसित जिला अउ आदिवासी उपयोजना क्षेत्र के सरकारी अउ अशासकीय स्कूल म पढ़त लइका मन ल उत्कृष्ठ शिक्षा देत पढ़ईया मन ल राष्ट्रीय स्तर के प्रतिष्ठित शैक्षणिक संस्थान म प्रवेश बर प्रतियोगी परीक्षा म सफल होए बर सुरू ले ही बिसेस कोचिंग के माध्यम ले तइयार करके सक्षम बनाये जाना। ये प्रयास आवासीय स्कूल मन ले सबोच साल गजब पढ़ईया चयनित होके उच्च संस्थान म प्रवेशित होवत हावयं।
ओमन बताइन के छत्तीसगढ़ राज्य म 09 प्रयास आवासीय स्कूल संचालित हावय। ये स्कूल मन के कक्षा 11वीं म आने-आने जाति वर्ग समूह ले 148 सीट खाली हावय, जेन परिवर्तनशील हावय। खाली सीट म प्रवेश परीक्षा लेटरल एंट्री के माध्यम ले होही। परीक्षा म सामिल होए बर कक्षा 10वीं के बोर्ड परीक्षा म न्यूनतम 60 अंक या समकक्ष ग्रेड ले पास होना अनिवार्य हावय। ऑनलाईन आवेदन पाती 21 जून 2024 ले 06 जुलाई रतिहा 12ः00 बजे तक भरे जा सकत हावयं। भरे गे आवेदन पाती म त्रुटि सुधार 07 जुलाई ले 09 जुलाई तक करे जाही। प्रवेश बर प्राक्चयन परीक्षा 21 जुलाई के बिहनिया 11ः00 बजे ले मंझनिया 1ः30 बजे तक होही। ऑनलाइन आवेदन पाती भरने बर लिंक https://eklavya.cg.nic.in/PRSMS/Student-Admission-Detail हे। प्राक्चयन परीक्षा के संबंध म आवेदन पाती अउ आन जानकारी विभागीय वेसाइट www.tribal.cg.gov.in या eklavya.cg.nic.in या कार्यालय सहायक आयुक्त आदिवासी विकास अम्बिकापुर,प्रशासकीय अधिकारी प्रयास आवासीय विद्यालय अम्बिकापुर अउ सबो संयोजक ले पा सकत हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।