श्रीरामलला दरसन योजना खातिर छत्तीसगढ़ ले अयोध्या तक आस्था स्पेशल रेल, आना-जाना, रहना-खाना, मंदिर दरसन

अंजोर.कोरिया,ए। छत्तीसगढ़ के मुख्यमंत्री विष्णु देव साय के मार्गदर्शन म श्रीरामलला दरसन योजना के खातिर छत्तीसगढ़ ले अयोध्या तक आस्था स्पेशल रेल चलाये जात हावय। जिला के 102 दरस करइया के कलेक्टर विनय कुमार लंगेह, जिला पंचायत सदस्य श्रीमती वंदना राजवाड़े, जनपद पचायत अध्यक्ष बैकुण्ठपुर श्रीमती सौभाग्यवती कुसरो, गणमान्य नागरिक कृष्ण बिहारी जायसवाल ह तीर्थयात्री ल पुष्प भेंट करके मंगलमय यात्री के शुभकानाएं दीस अउ हरियर झंड़ी देखाके अम्बिकापुर के खातिर रवाना करिन। दरस करइया अम्बिकापुर रेल्वे स्टेशन ले आस्था स्पेशल बिसेस रेल ले मंझनिया 12:00 बजे अयोध्या धाम के खातिर रवाना होइस।

श्रीरामलला दरसन बर जिला के विकासखण्ड बैकुण्ठपुर ग्रामीण ले 50 अउ सोनहत ले 22, नगरपालिका बैकुण्ठपुर ले 17, चरचा ले 10 अउ 3 अनुरक्षक अधिकारी भेजे गे हावय। बता दें के रामलला दरसन योजना के तहत दरस करइया ल पूरा पैकेज मिलही जेमा छत्तीसगढ़ ले अयोध्या जाना, उहां रेहे के व्यवस्था, मंदिर दर्शन, नाश्ता अउ खाना के तको बेवस्था रइही। ए रेल म टूर एस्कॉर्ट, सुरक्षा कर्मी अउ डॉक्टर मन के दल तको मौजूद रइही।