सिकल सेल एनीमिया के बीमारी सामुहिक जिम्मेदारी ले दूरिहा होही: मुख्यमंत्री विष्णु देव साय

अंजोर.रायपुर,ए। मुख्यमंत्री विष्णुदेव साय आज अटल बिहारी वाजपेयी आडिटोरियम, मेडिकल कालेज, रायपुर म विश्व सिकल सेल एनीमिया दिवस के मउका म अपन संबोधन देत रिहिस। ओमन किहिन के मुख्यमंत्री विष्णुदेव साय ह विश्व सिकल सेल दिन म सिकल सेल के स्क्रीनिंग अउ जागरूकता कार्यक्रम म सामिल होके सिकल सेल जागरूकता रथ के रवाना करिन अउ सिकल सेल ले संबंधित प्रदर्शनी के अवलोकन तको करय। ए बखत मुख्यमंत्री ह सिकल सेल पीड़ित मनला जेनेटिक कारड के बाटिन अउ बस्तर के दूरस्थ क्षेत्र म तको जागरूकता फैलाये के खातिर सिकल सेल के जानकारी दे वाला हल्बी अउ गोंडी भाषा के पुस्तक के विमोचन करिन। ए कार्यक्रम म स्वास्थ्य मंत्री श्याम बिहारी जायसवाल, आदिम जाति कल्याण मंत्री राम विचार नेताम ,शिक्षा मंत्री बृजमोहन अग्रवाल, वन मंत्री केदार कश्यप तको उपस्थित रिहिस।

कार्यक्रम के संबोधित करत होइस मुख्यमंत्री विष्णु देव साय ह किहिन के सबोच मनखे के सिकल सेल के जाँच अउ परीक्षण जरूरी रूप ले कराना चाही अउ येकर रोकथाम के खातिर सबो के जागरूक होना जरूरी हावय। बिहाव के पहिली सबो महिला अउ पुरुष के सिकलसेल के जाँच कराना चाही अउ दुनों के पीड़ित होए म बिहाव नइ करना चाही ताकि आनुवंशिक रूप ले ये बीमारी अगली पीढ़ी म स्थानांतरित न होए पाए।

मुख्यमंत्री ह किहिन के छत्तीसगढ़ राज्य के आदिवासी समुदाय के लोगन सिकलसेल एनीमिया ले ज्यादातर पीड़ित हावयं। ये पीड़ित मरीज मन के खातिर स्वास्थ्य विभाग अउ आदिम जाति विकास विभाग के सहयोग ले  जागरूकता शिविर के आयोजन करे जात हावय।

मुख्यमंत्री ह किहिन के प्रदेस म सिकलसेल के खातिर राष्ट्रीय स्तर के रिसर्च सेंटर सुरू करे के खातिर केन्द्र सरकार के प्रस्ताव भेजे गे हावय ताकि प्रदेस म सिकल सेल एनीमिया बीमारी ले अउ बढि़या तरीका ले बचाव करे जा सके।

जानबा होवय के छत्तीसगढ़ राज्य के 33 जिला  के लक्षित 1 करोड़ 77 लाख 69 हजार 535 सिकल सेल स्क्रीनिंग के विरूद्ध कुल 1 करोड़ 11 लाख 06 हजार 561 स्क्रीनिंग करके लिस गे हावय l ए परीक्षण म 1 करोड़ 06 लाख 24 हजार 245 स्क्रीनिंग निगेटिव पाए गे हावय। स्क्रीनिंग म 2 लाख 90 हजार 663 वाहक पाये गे हावयं अउ 22 हजार 672 के बीमारी मिले रिहिस।

कार्यक्रम के अध्यक्षता करत आदिम जाति कल्याण मंत्री रामविचार नेताम ह किहिन के राज्य सरकार सिकल सेल एनीमिया के छत्तीसगढ़ ले पूरा रकम ले खतम करे के खातिर सरलग प्रयास करत हावय। ओमन किहिन के मुख्यमंत्री विष्णुदेव साय के अगुवई म स्वास्थ्य विभाग अउ आदिम जाति कल्याण विभाग मिलके ए बीमारी के खतम करे के दिशा म काम करत हावयं। ओमन किहिन के राज्य सरकार के ये संकल्प हावय के प्रदेस के स्वस्थ अउ विकसित प्रदेस बनाये हावय।

कार्यक्रम के संबोधित करत  स्वास्थ्य मंत्री श्याम बिहारी जायसवाल ह सिकल सेल एनीमिया के रोकथाम म प्रदेस म कार्यरत मितानिन बहिनी के अहम भूमिका के उल्लेख करिन। ओमन किहिन के जागरुकता के माध्यम ले ही ए बीमारी म अंकुश लगाये जा सकत हावय अउ जेनेटिक कारड के इस्तेमाल ले ए म प्रभावी रोकथाम लगाये जा सकत हावय।

कार्यक्रम के बखत विधायक खुशवंत साहेब, विधायक अनुज शर्मा, विधायक मोती लाल साहू, विधायक पुरंदर मिश्रा, स्वास्थ्य विभाग के अपर मुख्य सचिव मनोज कुमार पिंगुआ, आदिम जाति कल्याण विभाग के प्रमुख सचिव सोनमणि बोरा समेत उच्चाधिकारी, मितानिन, मेडिकल कालेज के पढ़ईया अउ स्वास्थ्य कार्यकर्ता उपस्थित रिहिस।