अंजोर.रायपुर,ए। छत्तीसगढ़ म नवा शिक्षा सत्र सुरू होए ले पहिली शिक्षा मंत्री बृजमोहन अग्रवाल ह शिक्षा विभाग के अधिकारी मनके समीक्षा बइठक लिस। जेमा शिक्षा ले जुड़े कई जरूरी फइसला खातिर गे अउ आने-आने कार्ययोजना म गोठबात करे गिस। बइठक म शिक्षक मन के भर्ती, वेतन विसंगति, पदोन्नति, नवा स्कूल के बनाये समेत आने-आने बिंदु म गोठबात करके जानकारी लिस।
मंत्री बृजमोहन अग्रवाल ह किहिन कि, छत्तीसगढ़ म शिक्षा के स्तर के विश्व स्तरीय बनाये के खातिर हम सरलग बुता करत हावन, राज्य म शिक्षक मन के 33 हजार खाली पद म मुख्यमंत्री अउ वित्त मंत्री ले मंजूरी के बाद भरती प्रक्रिया सुरू करे जाही। येकर संग ही राज्य म वेतन विसंगति अउ समिलहा संचालक, उप संचालक, प्राचार्य, व्याख्याता, उच्च वर्ग शिक्षक, प्रधानपाठक (माध्यमिक शाला) के पदोन्नति के खातिर अधिकारी मनके निर्देश दे गिस। मंत्री ह ये सारी विसंगति ल जल्दी ले जल्दी दूरिहा करे के खातिर अधिकारी मनला निर्देशित करिन।
मंत्री अग्रवाल ह सबो सरकारी अउ गैर सरकारी स्कूल म फोकट म पाठ्य पुस्तक उपलब्ध कराये के खातिर पाठ्य पुस्तक निगम के निर्देश देत किहिन के पुस्तक के जिला स्तर म उपलब्ध कराइन जाए, उहां ले सबो स्कूल म शिक्षा सत्र सुरू होए ले पहिली ही भेज दे जाए। ओमन प्रदेस के जर्जर होवत स्कूल के बिलिंडग अउ नवा भवन के बनाये के खातिर डीएमएफ अउ सीएसआर मद ले बुता कराइन के निर्देश दिस। बनाये बुता के खातिर शिक्षा विभाग के आने ले इंजीनियरिंग सेल बनाये प्रक्रिया के जल्दी ही पूरा करे के खातिर तको अधिकारी मनला निर्देश दे। संग ही विश्व स्तरीय शिक्षा मुहैया कराइन के खातिर सबो स्कूल म स्मार्ट क्लासरूम अउ ई-क्लास रूम बनाये के निर्देश दिस। संग ही राज्य के जादा ले जादा स्कूल के पीएम योजना के तहत अपग्रेडेशन करे के निर्देश दे हावयं।
श्री अग्रवाल ह राज्य के सबो सरकारी उच्चतर माध्यमिक स्कूल मन म मैथ्स, साइंस, आर्ट्स अउ कॉमर्स संकाय सुरू करे के निर्देश दिस। संग ही ओमन अनुदान मिले अशासकीय स्कूल के समय-समय म जाँच अउ निरीक्षण करे के तको किहिन अउ अशासकीय स्कूल म आर.टी.ई. के शुल्क के प्रतिपूर्ति के जानकारी लिस। ओमन अशासकीय स्कूल म शुल्क वृद्धि, गणवेश, पुस्तक खरीदी अउ आर.टी.ई के तहत प्रवेश म गड़बड़ी न हो येकर खातिर जिला स्तर म कमेटी गठित करे के तको किहिन जेमा स्थानीय लोगन के भागीदारी सुनिश्चित हो अउ नियम विरूद्ध बुता करे वाला स्कूल के विरुद्ध कार्यवाही करे के तको निर्देश दिस। ओमन बढि़या निजी स्कूल मन के अनुदान देके पढ़ईया मन के एमे शिक्षा देवाये म जोर दे।
शिक्षा मंत्री अग्रवाल ह पढ़ईया मन के हित के धियान म रखत होइस एक शैक्षणिक सत्र म दू बोर्ड परीक्षा आयोजित करे जाये के निर्देश दिस। संग ही कमजोर लइका के खातिर जिला स्तर म कोचिंग केंद्र खोले के बात कहीन। संग ही प्रतियोगी परीक्षा के तइयारी के खातिर कोचिंग सेंटर सुरू करे के तको निर्देश दिस। पढ़ईया मन के अंग्रेजी भाषा के सही ज्ञान दे के खातिर भाषा एक्सपर्ट के नियुक्ति के संग ही जेन क्षेत्र म शिक्षक मन के कमी हावय ओला तुरते पूरा करे के खातिर पहुना शिक्षक मन के भरती के निर्देश दे हावयं।
शिक्षा मंत्री अग्रवाल ह राज्य म शिक्षा के गुणवत्ता के बढ़ाये के खातिर विभाग के शिक्षक मन के उचित प्रशिक्षण के खातिर निर्देश दिस। संग ही डाईट सेंटर के फेर ले कायाकल्प करे जाही अउ जरूरत पड़े म आन राज्य ले तको राष्ट्रीय स्तर के प्रशिक्षक के बुलाने के खातिर निर्देश दे गे हावयं। ओमन स्कूल शिक्षा अउ उच्च शिक्षा म समन्वय के खातिर एक समिति बनाये के तको किहिन हावय। अग्रवाल ह अधिकारी मनसे अमृतकाल छत्तीसगढ़ विजन /2047“ विजन डॉक्यूमेंट के जल्दी पूरा करे के निर्देश दिस। संग ही न्योता भोज कार्यक्रम के समीक्षा करिस।
समीक्षा बइठक म स्कूल शिक्षा सचिव सिद्धार्थ कोमल परदेशी, समग्र शिक्षा प्रबंध संचालक संजीव झा, लोक शिक्षण संचालक श्रीमती दिव्या मिश्रा, एससीईआरटी संचालक राजेंद्र कटारा, प्रबंध संचालक पाठ्य पुस्तक निगम कुलदीप शर्मा, सचिव माध्यमिक शिक्षा मंडल श्रीमती पुष्पा साहू अउ स्कूल शिक्षा विभाग के आन अधिकारीगण उपस्थित रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।