जित्तू साहू दुलरवा अउ अमृता कुशवाहा दिखही एन माही प्रोडक्शन के अवइया प्रोजेक्ट 'सुरतिया'... म

एन माही फिल्म प्रोडक्शन कोति ले पाछू दिन सोशल मीडिया म अपन अवइया प्रोजेक्ट के बारे म बड़का जानकारी पोस्ट करे गे रिहिस। मिले आरो के मुताबिक जित्तू साहू दुलरवा, यों रुद्रा, अउ नोनी अमृता कुशवाहा ल लेके बहुत ही खूबसूरत फ़िल्म 'सुरतिया' बनाये जाही। ये फिलिम के घोसना के बाद ले ही सोशल मीडिया म जित्तू कोति ले तको सोशल मीडिया म एन माही प्रोडक्शन के मोहित साहू के आभार मानत फोटो शेयर करे गे हावय।

सोशल मीडिया अउ यूट्यूब वीडिया के बड़ चर्चित चेहरा जेन मोर बर लेदे ल सोन के नथुनी जइसे कतको गीत ले छत्तीसगढ़ी सिनेमा म अपन खास पहचान बनाये हावय। उहे अमृता कुशवाहा के अभी 5 जुलाई के अमलेश नागेश के संग फिल्‍म हंडा अवइया हाबे। बताये गे हावय के फिल्म के नाम सुरतिया हवय अउ येकर निर्देशन डीओपी रजत सिंह राजपूत करही, संगीत देही ओमी स्टाइलो। बहरहाल ये तो सोशल मीडिया म अवइया प्रोजेक्ट के आरो आए लेकिन अभी तो सिनेमाघर म एन माही के बैनर तरी बने कई ठी फिलिम कतार म हावय। 5 जुलाई के हंडा के प्रमोशन बड़ जोर-सोर ले चलत हावय।