सिनेमा। एन माही फिल्म प्रोडक्शन के बैनर तरी बने छत्तीसगढ़ी फिल्म 'हंडा' अवइया 5 जुलाई 2024 के सिनेमाघर म प्रदर्शित होही। फिल्म के निर्देशन करे हाबे अमलेश नागेश, अउ निर्माता हावय मोहित कुमार साहू। भैरा कका के नाम ले सोशल मीडिया म लोकप्रिय अमलेश नागेश के हास्य अदा अब फीचर फिल्म म देखे बर मिलही। येमा अमलेश नागेश के संग अनिल सिन्हा फूफू फेम, संग म अमृता कुशवाहा तको नजर आही।
फिलिम रिलीज के पहली ही गाना मन सोशल मीडिया म जबरदस्त ट्रेंड म चलत हावय। सबो गाना मिलियन ल पार करत हाबे। सबसे जादा लोकप्रिय ऐ गोरी ऐ गोरी वो हावय। जेन अभी सिरिफ 50 दिन म 1 करोड़ 60 लाख प्लस व्यूज अउ 2 लाख 50 हजार ले ज्यादा रिल्स ला पूरा कर दिस। अभी ये हाल हावय तो रिलीज के बाद कतका बवाल होही ये बेरा के बात आए बहरहाल हंडा के गाना तो गर्दा उड़ा के रख दे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।