श्रीमती बेदमति ध्रुव ल एक महीना म ही मिलगे अनुकंपा नियुक्ति

अंजोर.रायपुर,ए। मुख्यमंत्री विष्णु देव साय के संवेदनशील सरकार लोगन के हित म तुरते बुता करत हावय। करार बखत के भितरी जरूरतमंद परिवार ल अनुकंपा नियुक्ति मिल सकें, शासन ए म सरलग प्रयास करत हावय। गरियाबंद जिला के श्रीमती बेदमति ध्रुव ल आवेदन करे के 1 महीना म ही अनुकंपा नियुक्ति मिले हावय। शासन के तुरते कार्यवाही के खातिर ओमन मुख्यमंत्री ल धन्यवाद दे हावय।

गरियाबंद जिला के श्रीमती बेदमति ध्रुव के पति धानेन्द्र प्रताप ध्रुव ग्राम पंचायत सचिव रिहिस। 3 जून 2024 के उंकर आकस्मिक निधन हो गे। 19 जून के श्रीमती ध्रुव ह जनपद पंचायत गरियाबंद म अनुकंपा नियुक्ति के खातिर आवेदन दे रिहिस। जिला पंचायत सीईओ श्रीमती रीता यादव ह आवेदन म तुरते कार्यवाही करत 01 महीना के भीतर ही आवेदन के परीक्षण बाद 26 जून 2024 के उंकर अनुकंपा नियुक्ति मंजूर कर लिस। अब श्रीमती ध्रुव के गरियाबंद जिला के ले ग्राम पंचायत मालगांव (प्रशासनिक) म पंचायत सचिव पद म पदस्थ करे गे हावय।

जानबा होवय मुख्यमंत्री विष्णु देव साय ह 27 जून के आयोजित जनदर्शन म अनुकंपा नियुक्ति के खातिर आए आवेदन के निराकरण संबंधित  अधिकारी मनको गंभीरता ले करे के निर्देश दे हावयं।

छत्‍तीसगढ़ी़ अनुवाद- जयंत साहू

संपादक 'अंजोर' वेब पोर्टल