अंजोर.रायपुर,ए। मुख्यमंत्री विष्णुदेव साय के बिसेस पहल अउ श्रम मंत्री लखन लाल देवांगन के निर्देश म जुलाई ले मुख्यमंत्री मजदूर के लइका के खातिर फोकट म कोचिंग सुरू करे जात हावय। ये योजना ल पीएससी, व्यापम, बैंकिंग प्रतियोगी परीक्षा के खातिर फोकट म कोचिंग के सुविधा मजदूर के लइका ल मिलही। प्रदेस के 10 जिला म ये योजना के तहत फोकट म कोचिंग सुरू करे जात हावय।
श्रम मंत्री लखन लाल देवांगन ह बताइन के छत्तीसगढ़ भवन अउ आन सन्निर्माण कर्मकार कल्याण मण्डल के पंजीकृत हितग्राही मन के खातिर मुख्यमंत्री बनाये मजदूर के लइका बर फोकट म कोचिंग सहयता योजना सुरू करे गे हावय। मुख्यमंत्री विष्णुदेव साय जी के मंशानुरूप मजदूर परिवार के लइका ल बढि़या भविष्य के खातिर ठोस कदम उठाये जाही। मजदूर परिवार के लइका ल प्रतियोगी परीक्षा के तइयारी के खातिर बढि़या सुविधा के जरूरत हावय।
इही ओढ़र म पंजीकृत मजदूर अउ पंजीकृत मजदूर के संतान ल शैक्षणिक योग्यता मुताबिक लोक सेवा आयोग, छत्तीसगढ़ व्यावसायिक परीक्षा मण्डल, कर्मचारी चयन आयोग, बैंकिग, रेल्वे, पुलिस भरती अउ आन प्रतियोगी परीक्षा के तइयारी के खातिर 4 ले 10 महीना तक के फोकट म कोचिंग दे जाही। योजना के फायदा ले के खातिर इच्छुक अउ पात्र हितग्राही स्वयं, च्वाईस सेन्टर या श्रम कार्यालय के माध्यम ले ऑनलाईन आवेदन प्रस्तुत करके सकत हावय।
पंजीकृत मजदूर के अगर मउत हो चुके हावय तब तको मिलही सुविधा
कहू हितग्राही के मउत दिनांक 09 जून 2020 ले पहिली होए हावय त जुन्ना अधिसूचना के मुताबिक योजना के खातिर उंकरो लइका पात्र हावय अउ वो हितग्राही जेन नवा योजना मुख्यमंत्री बनाये मजदूर मउत अउ दिव्यांग मदद योजना ले जुड़े हावयं वोहू तको आवेदन करके ये योजना के फायदा पा सकत हावयं।
ऑफलाइन के संग-साथ ऑनलाइन तको मिलही होही कोचिंग
ये कोचिंग ऑनलाइन के संग संग ऑफलाइन तको मिलही। ताकि आने-आने परीक्षा के तइयारी करत रिहिन पढ़ईया लइका ल दुनों के विकल्प मिल सके। बहुत ले पढ़ईया समय या फेर दूरी के सेती ले ऑफलाइन ही कोचिंग लेना चाहत हावयं, उहू मनला ये सुविधा मिलही।
ये जिला म सुरू होए जा रेहे सुविधा
रायपुर, बिलासपुर, दुर्ग, धमतरी, राजनांदगांव, कोरबा, रायगढ़, जांजगीर चांपा, महासमुंद जिला म ये योजना के शुरुआत करे जात हावय।
पढ़इया लइका म उत्साह, तीन जिला के खातिर 4 बैच भरगे
निःशुल्क कोचिंग योजना के खातिर पढ़ईया लइका म जबरदस्त उत्साह देखे ल मिलत हावय। प्रदेस के तीन जिला रायपुर, दुर्ग अउ बिलासपुर म कुल (50-50) चार बैच अब तक भरे जा चुके हावयं। आन जिला ले आए आवेदन के परीक्षण करके बैच बनाये के प्रक्रिया तेजी ले चलत हावय।
छत्तीसगढ़ी अनुवाद- जयंत साहू
संपादक 'अंजोर' वेब पोर्टल
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।