मुख्यमंत्री विष्णुदेव साय नीति आयोग के बइठक म सामिल

अंजोर.रायपुर,ए। मुख्यमंत्री विष्णुदेव साय ह नीति आयोग के गवर्निंग काउंसिल के बइठक म सामिल होए के खातिर राष्ट्रपति भवन पहुँचिस। मुख्यमंत्री के गवर्निंग काउंसिल के बइठक म मंझनिया दू बजे उद्बोधन अउ 2047 तक विकसित छत्तीसगढ़ बनाये के दिशा म शासन के योजना मन म प्रजेंटेशन होही। ए जरूरी बइठक म प्रधानमंत्री नरेंद्र मोदी के अध्यक्षता म आने-आने राज्य के मुख्यमंत्री अउ केंद्र शासित प्रदेस मन के राज्यपाल मौजूद होही। मुख्यमंत्री साय बइठक म छत्तीसगढ़ के जरूरत, चुनौती अउ विकास योजना मन म गोठबात करही। वो शिक्षा, स्वास्थ्य, कृषि, अउ डिजिटल अधोसंरचना जइसे जरूरी विषय म अपन विचार साझा करही। येकर अलावा, वो राज्य के युवा मन के खातिर रोजगार अउ कौशल विकास के मुद्दा म तको धियान केंद्रित करही।