हाथरस हादसा पल पल के जानकारी: सत्संग में भगदड़, 100 से ज्यादा मौत, हेल्पलाईन नंबर- 05722227041 / 05722227042 जारी

अंजोर
0


न्यूज.ए। उत्तर प्रदेश के ग्राम फलरई, मुगलगढ़ी नेशनल हाईवे, तहसील सिकंदराऊ, जनपद हाथरस म प्रवचनकर्ता नारायण साकार हरि के सत्संग कार्यक्रम म आज 2 जुलाई के बड़ा हादसा होगे। बताये जाथे के सत्संग कार्यक्रम सिराये के बाद लोगन मन उहां ले निकले के शुरू करिस इही मउका म जादा भीड़ होए के सेती भगदड़ मचके। भगदड़ म अब तक 120 लोगन के मउत अउ 100 ले आगर मनके मनके घायल होए के आरो मिले हावय।

उत्तर प्रदेश के हाथरस जिला के सिकंदराराऊ कस्बा के फुलरई गांव म मंगलवार के खास कार्यक्रम रिहिस ये सेती लाखों म भक्त मन शा‍मिल होए रिहिस। मिले जानकारी के मुताबिक सत्संग म उत्तेर प्रदेश के आलावा राजस्थान, मध्यप्रदेश ले तको लोगन मन पहुंचे रिहिस। अभी शासन प्रशासन के टीम बचाव म लगे हावय, कतका मरे हावय अउ कतका घायल ये बात के अभी अधिकारिक जानकारी नइ मिले हावय। हालात ल देखत अंकड़ा अउ बड़हे के संभावना हावय। बहरहाल प्रशासन घायल मनके इलाज ल पहिली प्राथमिकता म रखत अस्पताल म डटे हावय। दूसर कोति अतका लोगन के मउत म कार्यवाही के बात तको उठत हावय। पहिली तो अतेक भीड़ म प्रशासन कोति ले का इंतजाम रिहिस यहू सवाल खड़ा करथे अऊ दूसर कोति प्रवचनकर्ता अउ आयोजक मन म कोन ल येकर जिम्मेदार माने जाही।

प्रधानमंत्री नरेंद्र मोदी ह ये मउका म किहिन के- 'इस समय चर्चा के बीच अभी मुझे एक दुःखद खबर भी दी गई है। उत्तर प्रदेश के हाथरस में हुई भगदड़ में अनेकों लोगों की दुःखद मृत्यु की जानकारी आ रही है। जिन लोगों की इस हादसे में जान गई है, मैं उनके प्रति अपनी संवेदना व्यक्त करता हूं, मैं सभी घायलों के जल्द से जल्द ठीक होने की कामना करता हूं। राज्य सरकार की देखरेख में प्रशासन राहत और बचाव कार्यों में जुटा हुआ है। मैं इस सदन के माध्यम से सभी को ये भरोसा देता हूं कि पीड़ितों की हर तरह से मदद की जाएगी।'

के‍न्द्रीय गृह मंत्री अमित शाह ह कहिन- 'उत्तर प्रदेश के हाथरस में हुए दुःखद हादसे से मन अत्यंत व्यथित है। इस दुर्घटना में जान गँवाने वाले लोगों के परिवारजनों के प्रति संवेदनाएँ व्यक्त करता हूँ। ईश्वर उन्हें यह कष्ट सहने की शक्ति दें। स्थानीय प्रशासन राहत कार्यों में जुटा है। घायलों के शीघ्र स्वस्थ होने की कामना करता हूँ।'

सदन म गुंजही नियाव के गोहार- 

लोकसभा म पाछु दू दिन ले धर्म के नाम म बहुत कुछ केहे गिस। पक्ष अउ विपक्ष अपन-अपन गोठ कहिन इही। बात हिन्दू धर्म के होथे तव बोले बर कई मुंह खुलथे जन ले सदन तक अपन अतेक बड़का हादस म कोन माने जाही येकर जिम्मेदार? उत्तर प्रदेश के पूर्व मुख्यमंत्री अखिलेश यादव राज्य सरकार ऊपर सीधा आरोप लगावत नियाव के गोहार करे हावय। एक जिम्मेदार विपक्ष के नाते राहुल गांधी तको आम जनता के संग खड़े हावय।

कथावाचक बाबा साकार हरि-

साकार हरि बाबा उर्फ भोले बाबा के असली नाम सूरज पाल सिंह बताये जाथे जेन ह कासगंज के पटयाली के रहइया आए। सूरज पाल सिंह ह करीब 17 साल पहिली पुलिस कांस्टेबल के नौकरी ल छोड़के सत्संग करे के शुरू कर दिस। अब कुछ समय म उत्तर प्रदेश, मध्य प्रदेश, राजस्थान लाखों अनुयायी बनगे।



हाथरस हेल्पलाईन-

हाथरस म होए दुर्घटना ले देखत जिला प्रशासन कोति ले घटना के आरो ले खातिर लोगन के सहायता बर हेल्पलाईन 05722227041 तथा 05722227042 जारी करे गे हावय।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !