अंजोर.रायपुर,ए। मुख्यमंत्री विष्णु देव साय ह महतारी वंदन योजना के पांचवां किश्त एक जुलाई ल जारी कर दीस हावय। ए योजना ले लगभग 70 लाख माता-बहनी मनके खाता म 653 करोड़ 85 लाख रूपिया के रकम अंतरित होए हावय।
जानबा होवय के मुख्यमंत्री साय ह प्रधानमंत्री नरेन्द्र मोदी के गारंटी के मुताबिक बिहाता माता-बहनी मनला हर महीना महतारी वंदन योजना ले 1000 रूपिया दे के संकल्प ले रिहिस। शपथ ले के तीन महीना के भीतर ही ए योजना म काम सुरू हो गे। प्रशासनिक अमला ह तेजी ले सर्वे के काम पूरा होइस हितग्राही महिला मन ले फार्म भरवाइस अउ प्रधानमंत्री नरेन्द्र मोदी ह 10 मार्च ल महतारी वंदन योजना के पहिली किश्त जारी करे रिहिस। येकर पाछु सरलग रूप ले ये किश्त जारी करे जात हावय। सरलग रूप ले ये रकम आए के सेती महिला मन काफी खुश हावयं।
कुछ महिला मन अपन घरेलू बजट ल येकर ले व्यवस्थित करत हावयं, कुछ महिला मन ए रकम ल अपन लइका के पढ़ाई-लिखाई म खरचा करत हावयं अउ कुछ भविष्य के खातिर निवेश करत हावयं। महतारी वंदन योजना के क्रियान्वयन म सुशासन के कीमत साफ झलकत हावयं। डीबीटी के माध्यम ले रकम के अंतरण होवत हाबे येकर ले पूरा प्रक्रिया पारदर्शी हावय। बीते दिन जनदर्शन म बहुत झिन महिला मन आइन ओमन अपन आवेदन दे संग ही महतारी वंदन योजना ल लेके अपन खुसी तको जाहिर करिस। ये महिला मन ह मुख्यमंत्री ले किहिन के विष्णु के सुशासन हमर जिनगी म बहुत सुख-समृद्धि लेके आये हावय। येकर पहिली महिला मन ल लेके अतका अच्छा योजना हमर राज्य म क्रियान्वित नइ करे गे रिहिस। येकर ले हमर सपना पूरा होत हावयं।
छत्तीसगढ़ी अनुवाद- जयंत साहू
संपादक ‘अंजोर’ वेब पोर्टल
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।