 |
| छत्तीसगढ़ में मितानिनों को मिल रही प्रोत्साहन राशि |
अंजोर.रायपुर,ए। राजधानी रायपुर म मितानिन दीदी मन ल प्रोत्साहन रकम बाटे के खातिर आयोजित ‘नवा सौगात‘ कार्यक्रम के बाद मुख्यमंत्री विष्णु देव साय ह मितानिन बहिनी के संग मंझनिया के भोजन करिन।
मुख्यमंत्री साय पंगत म बस्तर दरभा ले आये मितानिन दीदी जयमनी नाग अउ कवर्धा के बैगा जनजाति के दसनी बाई के संग भोजन करिस। भोजन म दही मिर्ची, लाई बड़ी, बिजौरी, चाउंर पापड़, चना, लाल भाजी, जिमीकांदा, मुनगा के सब्जी, इडहर कड़ी, भरवा करेला, चावल, कोदो चावल, रोटी, मीठे म रागी लड्डू, अंदरसा, गुलगुला, पीड़िया, मठ्ठा उक परोसे गिस। भोजन के सुरू म फ्रूट सलाद तको रिहिस।
 |
| छत्तीसगढ़ में मितानिनों को मिल रही प्रोत्साहन राशि |
मुख्यमंत्री ह मितानिन दीदी के संग बड़ चाव के संग भोजन करिन। ए बखत ओमन जयमनी नाग अउ दसनी बाई ले बड़ ही आत्मीयता के संग उंकर कुशल मंगल पूछिस अउ किहिन के अब उंकर बैंक खाता म हर महीना प्रोत्साहन रकम सोज मिल जाही। मुख्यमंत्री ह जयमनी नाग ले गोठबात के बखत किहिन के बस्तर त कई बार गे हवं, फेर चापड़ा चटनी के सुवाद चखने के मउका नइ मिले। जयमनी नाग ह किहिन के अब जब बस्तर आएं त खट्टी-चटपटी चापड़ा चटनी के सुवाद जरूर मिलही।
 |
| छत्तीसगढ़ में मितानिनों को मिल रही प्रोत्साहन राशि |
मितानिन बहिनी के संग उपमुख्यमंत्री अरुण साव, स्वास्थ्य मंत्री श्याम बिहारी जायसवाल, वन अउ संसदीय बुता मंत्री केदार कश्यप, विधायक अनुज शर्मा, विधायक गुरु खुशवंत साहब स्वास्थ्य विभाग के प्रमुख सचिव मनोज कुमार पिंगुआ ह भोजन करिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।