अंजोर.रायपुर,ए। मुख्यमंत्री विष्णु देव साय ह राज्य म पर्यावरण संरक्षण अउ हरीतिमा ल बढ़ावा दे के खतिर ‘एक पेड़ मां के नाम’ अभियान ल विधिवत सुरू करिन। मुख्यमंत्री साय ह ए मउका म अपन निवास कार्यालय म दहीमन के पौधा लगाये के संग ही प्रदेसवासी मनले अपन मां के नाम एक पेड़ लगाए जाये के गेलौली करिन। ए मउका म मंत्री लखन लाल देवांगन, आने-आने विभाग के अधिकारी अउ स्कूली लइका मौजूद रिहिस। दहीमन के पौधा सरगुजा अंचल म बहुतायत रूप ले मिलत हावय। दवई गुन ले भरपूर अउ ये कई बीमारी के इलाज म ये उपयोगी हावय।
प्रधानमंत्री नरेन्द्र मोदी के अपील एक पेड़ मां के नाम लगाए
इहां ये जानबा होवय के प्रधानमंत्री नरेन्द्र मोदी ह एक पेड़ मां के नाम लगाए जाये के अपील देशवासी ले करे हावय। प्रधानमंत्री नरेन्द्र मोदी के अपील के छत्तीसगढ़ राज्य म मुख्यमंत्री विष्णु देव साय के अगुवई म क्रियान्वयन सुरू कर दे हावय।
छत्तीसगढ़ म 11 जुलाई ल वन महोत्सव
छत्तीसगढ़ म 11 जुलाई ल वन महोत्सव के राज्य स्तरीय आयोजन होही, जेकर ले 70 लाख पौधा के रोपण करे जाही। राज्य म ‘एक पेड़ मां के नाम’ अभियान के ले छत्तीसगढ़ राज्य म लोगन अपन मां के नाम पौधा लगावे। पौधा रोपण कार्यक्रम ल सफल बनाये अउ पौधा रोपण क्षेत्र के संरक्षण के खातिर एला जनप्रतिनिधी मन डहर ले गोद तको ले जाही। ए अभियान के ले लोगन अपन श्रद्धा अउ आस्था के मुताबिक देवी-देवता के नाम म तको पौधा रोपण कर सकही। वन क्षेत्र के अलावा सामान्य क्षेत्र म सड़क के किनारे तको पौधा रोपण करे जाही।
छत्तीसगढ़ राज्य म वन अउ पर्यावरण ल बढ़ावा दे के खातिर वन विभाग डहर ले आने-आने योजना मन ले 3 करोड़ 95 लाख 85 हजार ले जादा पौधा के रोपण करे जात हावय, जेमा ले 2 करोड़ 82 लाख 35 हजार पौधा के रोपण किसान पेड़ संगवारी योजना ले होवत हाबे। राज्य म अब तक सवा करोड़ ले जादा पौधा के रोपण करे जा चुके हावय। जुलाई महीना के अंत तक शत-प्रतिशत पौधा के रोपण पूरा करे के लक्ष्य हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।