अंजोर.महासमुंद,ए। एकीकृत बाल विकास परियोजना पिथौरा के आंगनबाड़ी केंद्र म खाली आंगनबाड़ी कार्यकर्ता पद म नियुक्ति के खातिर आवेदन मंगाए गे हावय। परियोजना अधिकारी ह बताइन के नगर पंचायत पिथौरा के वार्ड क्रमांक 04 म आंगनबाड़ी कार्यकर्ता के खाली पद म नियुक्ति करे जाही। जरूरी अर्हता रखे वाला इच्छुक आवेदिका 08 अगस्त 2024 तक अपन आवेदन जरूरी वैद्य अउ स्व-प्रमाणित दस्तावेज के संग बाल विकास परियोजना कार्यालय पिथौरा म कार्यालयीन समय म जमा कर सकत हव या पंजीकृत डाक के माध्यम ले तको भेज सकत हव।
आंगनबाड़ी कार्यकर्ता के खातिर शैक्षणिक योग्यता 12वीं बोर्ड पास होना चाही। आवेदिका के उमर 18 ले 44 साल के बीच होना चाही। आंगनबाड़ी केन्द्र जेन वार्ड म हावय, आवेदिका उही वार्ड के स्थायी निवासी होना चाही। ओमन बताइन के आंगनबाड़ी कार्यकर्ता, सहायिका के पद पूरा मानसेवी अउ अशासकीय पद हावयं। एमन ल केन्द्र शासन अउ राज्य शासन डहर ले करार मानदेय नियम के मुताबिक दे जाही।
छत्तीसगढ़ी अनुवादक- जयंत साहू
संपादक 'अंजोर' छत्तीसगढ़ी वेब पोर्टल
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।