विधानसभा सत्र के समापन म डॉ. रमन सिंह सबो मानिस आभार

अंजोर.रायपुर,ए। छत्तीसगढ़ विधानसभा के अध्यक्ष डॉ. रमन सिंह ह सदन के समाप्ति म सबो सदस्य, अधिकारी अउ कर्मचारी मन ल उंकर सहयोग अउ समर्थन के खातिर धन्यवाद ज्ञापित करिन। ओमन किहिन के सबो के समिलहा प्रयास ले सदन के पावस सत्र के कार्यवाही सफलतापूर्वक संपन्न होए हावय।

डॉ. सिंह ह बिसेस रूप ले वो सदस्य मन के बढ़ई करिस, जेन मन अपन जरूरी बात रखिस अउ विधायक के बीच स्वस्थ गोठबात अउ विचार-विमर्श ल प्रोत्साहित करिन। ओमन ये तको किहिन के सदन के सबो कर्मचारी मन ह अपन कर्तव्य के निष्ठापूर्वक पालन करिन अउ सदन के कार्यवाही ल सुचारू रूप ले संचालित करे म जरूरी भूमिका निभाईस।

विधानसभा अध्यक्ष ह ए सत्र के बखत पारित करे गे जरूरी विधेयक अउ प्रस्ताव के तको उल्लेख करिन अउ किहिन के ये विधेयक राज्य के विकास अउ जनहित म जरूरी साबित होही। अंत म विधानसभा अध्यक्ष डॉ. सिंह ह सबो ल शुभकामना देत सदन के पावस सत्र के समाप्ति के घोसना करिस अउ किहिन के वो ह भविष्य म तको सबो के सहयोग के आस करत हावयं।

नेता प्रतिपक्ष डॉ.चरणदास महंत ह सत्र समापन के मउका म विधानसभा अध्यक्ष डॉ.रमन सिंह ल बधाई दीस। ओमन नवा सदस्य मन ले किहिन के अभी तंहू मन नवा हावव, अगली बार तुँमन ल परेशान करही। 5 दिन के सत्र म 4 स्थगन म सुनाई होवय। नेता प्रतिपक्ष ह सबो मंत्री अउ सदन के सबो सदस्य मन ल बधाई देत किहिन के छत्तीसगढ़ के सेवा हम सबला मिलके करना हावय। ओमन किहिन पांच दिन के सत्र म हमर चार स्थगन ल पूरा रकम ले सुनिस। विधानसभा अध्यक्ष ह हमन ल गोठबात के पूरा मउका दीस। हम भले ही पक्ष विपक्ष के हों, फेर हम सबो ल मिल-जुलकर छत्तीसगढ़ के विकास के खातिर काम करे हावय।