पोरा तिहार: दुर्ग के मड़ियापार म 65वां पोरा महोत्सव के मुख्यमंत्री विष्णुदेव साय ल नेवता

अंजोर.रायपुर,ए। मुख्यमंत्री विष्णुदेव साय ल विधानसभा परिसर के उंकर कार्यालय कक्ष म दुर्ग विधायक ललित चन्द्राकर के अगुवई म आये शास्त्री नवयुवक मंडल के प्रतिनिधिमंडल ह सौजन्य मुलाकात करिस। प्रतिनिधि मंडल ह मुख्यमंत्री साय ल पारम्परिक खुमरी पहना के उंकर जोहार करिस। ओमन मुख्यमंत्री ल दुर्ग जिला के मड़ियापार म अवइया 2 सितम्बर ल आयोजित होवइया पोला महोत्सव के 65वें आयोजन म सामिल होए के नेवता दीस। मुख्यमंत्री साय ह शास्त्री नवयुवक मंडल ल नेवता के खातिर धन्यवाद दीस अउ महोत्सव के सफल आयोजन के खातिर सुभकामना दीस। ए मउका म विधायक गजेन्द्र यादव, शास्त्री नवयुवक मंडल ले सुनिल साहू, मनीष साहू, सुदामा निषाद अउ हेमलाल साहू सहित मंडल के सदस्य मौजूद रिहिस।