छत्तीसगढ़ के लोक वाद्य के अनुगूँज मुक्ताकाश मंच रायपुर म 29 ले 31 अगस्‍त

छत्‍तीसगढ़ी समाचार अनुवादक जयंत साहू

छत्तीसगढ़ के लोक पारम्परिक वाद्य अउ आने-आने वाद्ययंत्र मनके सुरमयी प्रस्तुति ले सजेे कार्यक्रम ‘रंग तरंग’ के आयोजन रायपुर के महंत घासीदास स्मारक संग्रहालय परिसर म 29 ले 31 अगस्त तक करे जात हावय। ए तीन दिवसीय सांस्कृतिक कार्यक्रम के आयोजन संस्कृति विभाग डहर ले करे जात हावय। ये आयोजन मुक्ताकाश मंच म रोज संझा 7 बजे ले सुरू होही।

छत्तीसगढ़ के समृद्ध लोकसंगीत अउ वाद्ययंत्र के प्रस्तुति के खातिर ‘रंग तरंग’ एक जरूरी मंच साबित होही। संस्कृति विभाग के चिन्हारी पोर्टल म पंजीकृत इच्छुक कलाकार अउ संस्था मन 28 अगस्त 2024 तक अपन प्रस्ताव संचालनालय संस्कृति अउ राजभाषा, सेक्टर 27, नवा रायपुर म जमा कर सकत हावयं। सांस्कृतिक धरोहर अउ कला ल बढ़ावा दे के ए प्रयास ले रायपुर के मुक्ताकाश मंच छत्तीसगढ़ी संस्कृति के रंग ले सराबोर होही।