दिव्यांगजन समाज म बोझ नइ बल्कि राष्ट्र के प्रगति म योगदान देत हावयं: राज्यपाल डेका

राज्यपाल रमेन डेका के मुख्य आतिथ्य म 'दिव्य कला शक्ति' कार्यक्रम संपन्न होइस। जेमा दिव्यांग मन ह अपन कला प्रतिभा के प्रदर्शन करिन। ए मउका म राज्य के पहिली महिला श्रीमती रानी डेका काकोटी, रायपुर के सांसद बृजमोहन अग्रवाल सहित जनप्रतिनिधि अउ पूरा देश ले आये दिव्यांग उद्यमी अउ कलाकार मौजूद रिहिस। 

 

राज्यपाल डेका ह ए मउका म किहिन के दिव्यांगजन समाज म बोझ नइ हावयं बल्कि राष्ट्र के प्रगति म योगदान देत हावयं। ओमन किहिन के दिव्यांग मन ल सहानुभूति के पात्र नइ समझना चाही। उंकर प्रति समाज के नजरिये म बदलाव आना चाही। प्रधानमंत्री नरेंद्र मोदी जी के अगुवई म 'सबका संग-सबका विकास' के तहत समावेशी रूप ले दिव्यांग मन सहित सबो ल सामिल करे गे हावय। दिव्यांग ल ये ऐहसास दिलाना होही के वो तको समाज के खातिर जरूरी अंग हावयं। उंकर विकास के खातिर सार्वजनिक ठऊर मन म सुलभ बुनियादी ढ़ांचा, सुगम्य परिवहन के साधनों के उपलब्धता, टेक्नोलॉजी तक आसान पहुंच बनाये के तनि जादा धियान देना होही। लइका के पाठ्यक्रम म तको अइसे कहानी उक सामिल करना चाही, जेकर ले उनमे दिव्यांग मन के प्रति करूणा के भावना जागृत हो, फेर उंकर ले वो सामान्य मनखे के रकम ले व्यवहार करें।